Birgir Valur Ágústsson, verkfræðingur á Akureyri, er látinn 86 ára að aldri.
Greint er frá andláti hans á Akureyri.net
Hann fæddist á Þórshöfn 10. október 1939 og lést á hjúkrunarheimilinu Hlíð á Akureyri 14. apríl.
Eiginkona hans er Ingunn Þóra Baldvins og eignuðust þau fimm börn. Foreldrar Birgis voru Helga Jóhanna Ágústsdóttir og Ágúst Georg Steinsson, og var hann þriðji í röð fimm bræðra.
Birgir lauk stúdentsprófi frá Menntaskólanum á Akureyri árið 1959 og útskrifaðist síðar í byggingarverkfræði frá Danmarks Tekniske Højskole árið 1965. Hann starfaði bæði sem verkfræðingur og kennari við Menntaskólann á Akureyri.
Árið 1974 stofnaði Birgir fyrirtækið Höld ásamt bræðrum sínum. Þar var Bílaleiga Akureyrar meginstoð rekstrar og varð síðar stærsta bílaleiga landsins. Samhliða rekstri hélt Birgir áfram að hanna hús alla starfsævina.
