Dolly Parton heiðrar nýlátinn eiginmann sinn, Carl Dean, með því að glænýju lagi sem kemur beint frá hjartanu.
Lagið, sem ber titilinn „If You Hadn’t Been There“, kom út í dag, aðeins nokkrum dögum eftir að Dolly tilkynnti að förunautur hennar til hátt í 60 ára, væri látinn.
Goðsögnin fór á Instagram til að deila forsíðumynd lagsins, en það er gömul mynd af Dolly haldandi utan um Carl, ljómandi með stórt bros á vör. Fyrir neðan myndina birtast undirskriftir þeirra með orðunum „Dolly + Carl = [Ást].“
Í myndatexta hennar segir Dolly: „Ég og Carl urðum ástfangin þegar ég var 18 ára og hann 23 ára, og eins og allar frábærar ástarsögur taka þær aldrei enda. Þær lifa í minningunni og í söngnum og ég tileinka honum þetta.“
Hið fallega lag byrjar á tilfinningaþrungnum textalínum: „Ef þú hefðir ekki verið þarna / Hvar væri ég? / Án þíns trausts / Ástar og trúar / Hæðir og lægðir / Höfum við alltaf deilt / Og ég væri ekki hér / Ef þú hefðir ekki verið þar.“
Parton heldur áfram að velta fyrir sér ævilangri ást sinni og syngur: „Þú sérð alltaf það besta í mér / ástríkir armar þínir hafa vaggað mér“ og „Þú lést mig dreyma / meira en ég þorði.“
Þetta er ekki fyrsta lagið sem Dolly skrifar fyrir Carl – lag hennar frá 2012, From Here to the Moon and Back var einnig tileinkað honum.
Dolly gaf ekki upp dánarorsökina þegar hún tilkynnti um andlát Carls, en það er vert að minnast á að hann greindist með Alzheimer-sjúkdóminn árið 2019. Parton segir að eiginmaður hennar verði lagður til hinstu hvílu í einkaathöfn með nánustu fjölskyldu viðstadda.
Í augnablikinu er Dolly að heiðra hann á besta hátt sem hún kann, með söng.
Hér má hlusta á hið glænýja lag en þar heyrist að sú gamla er ekki dauð úr öllum æðum, þvert á móti.
