Svavar Stefánsson hefur verið dæmdur í fangelsi af Héraðsdómi Reykjavíkur fyrir mörg hótunarbrot.
Hann var ákærður fyrir hótunarbrot árið 2023 með því að hafa á tímabilinu frá 27. mars 2023 til 21. júlí sent manni skilaboð úr síma með hótunum um líflát, ógnanir og kynferðislegt ofbeldi og var þetta til þess fallið að vekja ótta hjá manninum um líf sitt og velferð.
Hótanirnar voru:
1 „Vinir mínir berja þig meðan ef sit inni, Svo kemur þú í fangelsi...uffffff rassgatið þitt“
2 „Ég ætla að gera allt til þess að ógna þínu öryggi...finna þig þarft að fá vin minn að ríða þér hann er Skotinn í perrum sem karma kynnir fyrir“
3 „Eg brýt a þer tennur og blinda þig fyrir 3 auka ar a sogni sorry...þess virði skvíler“
4 „Það eru allir að fara að berja þig, þú skuldar mér 40k fyrir matarklipps og ég skulda þér ekki rassssgat fyrir friu uno..“
5 „Versur lamijnn aftur“
6 „Ég sit inni í 16ar fyrir þig“
7 „Ég óska þess að að þú kemur í fangelsi því við bíðum eftir aðalatriði kvöldsins sem ert þú...Veistu hvað við erum að gera við þig og þitt nafn?“
8 „Þú færð allt tífalt til baka vertu með hettu í downtown og sayqnora feginn að hafa alla vini mína að leita að þér sykurrasssss“
9 „Þú færð allt tífalt í bakið ogeðslegi nauðgari og mútar öllum með frú uno...Þú talar og talar..Ég stend við mín orð“
10 „Erum á leið að gera þig að missioni“
11 „Versur brenndur med sykri“
12 „Skuldar ofurbaldur 1milion nuna“
Hann var ákærður fyrir hótunarbrot á tímabilinu 6. júní til 21. júlí 2023 með því að hafa sent manninum hljóðskilaboð úr síma með hótunum um líflát, ógnanir og kynferðislegt ofbeldi og var þetta til þess fallið að vekja ótta hjá manninum um líf sitt og velferð.
Hótanirnar voru:
„Hey ég nenni ekki að tala við þig lengur af því að þú veist, þú ert alltaf í glugganum skíthræddur að hringja á lögguna og eitthvað. Þú veist ef við komumst inn í íbúðina þína hjá þér tökum af þér símann og vinur minnn er rosalega mikill hommi og hann vill nauðga þér í þrjá daga og svo bara látum við millifæra allt á þig og tökum allt úr íbúðinni og svo skuldar þú mér 1 ár í íbúð já. Takk fyrir að borða allan matinn minn eitthvað og stela af mér matarklipps og halda að ég sé ekki með þetta á fucking call recorder fyrir fucking 2 dollara ógeðslega paddan þín.“
„Hey sickass rónapadda, þú ert umtalaður og það eru margir sem vilja berja þig alveg frekar illa en þegar ég sé þig þá mun ég blinda þig og lama þig. Ég er ekki að djóka því ég drap kærustu mína og ég drep þig næst, þú býrð náttúrulega bara við hliðina á mér.“
Hann var einnig ákærður fyrir að hafa sent manninum tvær myndir úr síma af hníf með beittu blaði og var þetta til þess fallið að vekja ótta hjá manninum um líf sitt og velferð.
Svavar játaði brot sitt og sagði réttinum að hann hefði fengið heilablóðfall fyrir tæpu ári og væri að jafna sig eftir það. Síðan þá hefði hann alfarið snúið við blaðinu og hætt allri fíkniefnaneyslu.
Ekki er vitað til þess að hann hafi orðið kærustu sinni að bana og hefur hann ekki verið dæmdur fyrir slíkt afbrot.
Hann var dæmdur í 30 daga fangelsi og er dómurinn skilorðsbundinn til tveggja ára. Þá þarf hann að greiða málskostnað upp á 247.380 krónur og 60.264 krónur í annan sakarkostnað.
