Rapparinn Kristján Þór Matthíasson hefur stofnað fyrirtækið Betri Kjör ehf. en greint er frá þessu í Lögbirtingablaðinu.

Kristján hefur í rúma tvo áratugi verið talinn einn besti rappari landsins og hefur gefið út fjórar plötur með hljómsveitinni Afkvæmi Guðanna og eina með NBC.

Hann er þó ekki einn á ferð í fyrirtækinu en Benedikt Freyr Jónsson er einn meðstofnanda þess. Hann er þekktur sem plötusnúðurinn og tónlistarmaðurinn B-Ruff og er meðlimur í rappsveitinni Forgotten Lores en hún var af sumum talin ein sú besta á Íslandi. Þá er Kjartan Þór Trauner með þeim í fyrirtækinu.

Tilgangur félagsins er nýsköpun, þróun og rekstur hugbúnaðar, kaup og sala á hugbúnaði og tengdum lausnum, svo og kaup, sala, eignarhald, útleiga og annar rekstur fasteigna og önnur tengd starfsemi.

Benedikt fer með prókúruumboð fyrirtækisins.