Knattspyrnumaðurinn Björn Bergmann Sigurðarson hefur stofnað fyrirtækið BLÍA ehf. en greint er frá því í Lögbirtingablaðinu.

Hann er þó ekki eini stofnandinn en Lise Styrmo Sigurðarson er með honum í því fyrirtæki.

Björn er formaður stjórnar en þau fara bæði með prókúruumboð.

Tilgangur félagsins er rekstur höfuðstöðva og umsjón með tengdum félögum, þ.m.t. eftirlit og stjórnun dótturfélaga, stefnumótun og ákvarðanataka fyrir félagasamstæðuna. Félagið tekur að sér ráðgjöf og rekstrarþjónustu fyrir tengd félög, þ.m.t. umsýslu, stjórnun og sérfræðiþjónustu. Félagið kann jafnframt að eiga og leigja fasteignir. Félagið kann einnig að eiga hluti í öðrum félögum og annast hvers konar starfsemi sem tengist framangreindu.

Björn hefur leikið 17 landsleiki fyrir hönd Íslands. Hann hefur leikið með liðum á borð við Wolves, Molde, ÍA og F.C. Copenhagen á ferlinum.