Einn af fyrrum söngvurum hljómsveitarinnar Luxor hefur stofnað fyrirtækið Ég er á leiðinni ehf. en greint er frá því í Lögbirtingablaðinu.

Margir muna eflaust eftir þeirri hljómsveit en umboðsmaðurinn Einar Bárðarson stofnaði hljómsveitina og átti hún að vera strákaútgáfan af Nylon. Hljómsveitin gaf út eina plötu árið 2007.

Það er hann Edgar Smári Atlason sem stendur á bakvið fyrirtækið en hann er einnig framkvæmdastjóri og fer með prókúruumboð. Gerður Steinarsdóttir er svo varamaður í stjórn.

Tilgangur félagsins er málningarþjónusta, verktakastarfsemi, kaup og sala eigna, lánastarfsemi, kaup og sala verðbréfa, heildsala, smásala og önnur skyld starfsemi.

Ómar Geir Þorgeirsson er skoðunarmaður.