Stór gassprenging tætti hús í Atlanta í Bandaríkjunum í gærkvöldi.

Fjölmiðlar greina frá því að einn maður hafi slasast illa en 40 manns þurftu að yfirgefa heimili sín vegna skemmda sem sprengingin olli. Í myndbandi sem birst hefur af eftirleiknum sést karlmaðurinn slasaði öskra af sársauka vegna bruna sem hann hlaut.

Samkvæmt upplýsingum sem lögregluyfirvöld hafa gefið út er maðurinn á sjúkrahúsi og á batavegi.

Ekki liggur fyrir hvað nákvæmlega gerist utan þess að þetta var gassprenging og er málið nú í rannsókn lögreglunnar í Atlanta.