Guðjón Reykdal Óskarsson, doktor í líf- og læknavísindum og starfsmaður hjá Íslenskri erfðagreiningu, er látinn aðeins 35 ára að aldri.

Morgunblaðið greindi frá andláti Guðjóns.

Hann þótti afar efnilegur vísindamaður og vakti athygli fyrir rannsóknir sínar á sviði tauga- og læknavísinda.

Guðjón fæddist í Falun í Svíþjóð árið 1991 en ólst upp á Selfossi frá fimm ára aldri. Hann lauk stúdentsprófi sem dúx frá Fjölbrautaskóla Suðurlands og síðar BS- og MS-gráðu í lyfjafræði við Háskóla Íslands. Doktorsritgerð sína varði hann árið 2021 eftir rannsóknarstörf hjá Íslenskri erfðagreiningu.

Árið 2024 var Guðjón valinn í hóp Framúrskarandi ungra Íslendinga fyrir vísindastörf sín og baráttuþrek. Hann lifði með Duchenne-vöðvarýrnunarsjúkdómi en lét sjúkdóminn aldrei skilgreina sig. Hann starfaði ötullega að vísindum allt til hinsta dags og lauk einnig meistaragráðu í hagnýtri siðfræði á síðasta ári.