Hafsteinn Guðmundsson, bóndi í Flatey og fyrrverandi oddviti Flateyjarhrepps, er látinn 91 árs að aldri. Hann fæddist á Höllustöðum í Reykhólahreppi 4. janúar 1935 og lést á Landspítalanum 26. ágúst síðastliðinn.

Morgunblaðið greinir frá andláti hans.

Hafsteinn ólst upp hjá foreldrum sínum á Höllustöðum og síðar í Skáleyjum á Breiðafirði. Hann tók þátt í að afla heimilinu tekna frá unga aldri og stundaði meðal annars selveiðar, dúntekju og hefðbundin bústörf. Hann stundaði nám við farskólann sem fór á milli eyjanna eins og þá var í boði og nam síðar við Stýrimannaskólann í Reykjavík.