Matvælastofnun varar neytendur við framleiðslulotu af Hagkaups kokteilsósu frá Myllunni-Ora vegna þess að sellerí, sem er ofnæmis- og óþolsvaldur, vantar í innihaldslýsingu vörunnar.

Myllan-Ora hefur innkallað vöruna í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness.

Innköllunin nær eingöngu til Hagkaups kokteilsósu með best fyrir dagsetninguna 4. október 2026 (BF.04.10.2026). Varan er framleidd á Íslandi og hefur verið seld í verslunum Hagkaups.

Matvælastofnun hvetur neytendur sem eru með ofnæmi eða óþol fyrir selleríi til að neyta sósunnar ekki. Þeir eru beðnir um að farga vörunni eða skila henni í næstu Hagkaupsverslun gegn fullri endurgreiðslu.

Stofnunin tekur fram að innköllunin beinist eingöngu að framangreindri framleiðslulotu.