Gjá er á milli Viðreisnar og Miðflokksins. Þar skilur mest á milli útlendingaótti og afstaðan til Evrópusambandsins. Einnig andar köldu milli Samfylkingar og Miðflokksins. Þegar oddvitinn Ari Edwald bauð sig fram í Reykjavík rifjaðist upp hvernig hann stóð að brottrekstri Sigmundar Ernis Rúnarssonar, nú þingmanns Samfylkingarinnar, og Elínar Sveinsdóttur frá Stöð 2 árið 2009.
Ari var forstjóri 365, Sigmundur Ernir fréttastjóri og Elín var útsendingarstjóri þegar þau voru bæði rekin. Á sama tíma höfðu hjónin fengið þær fréttir að dóttir þeirra væri dauðvona. Málið þótti lýsa miskunnarleysi. Víst er að honum verður seint fyrirgefið í þeim ranni.
Reynsla Ara af rekstraraðhaldi gæti þó nýst honum ef hann ratar í meirihlutasamstarf með Hildi Björnsdóttur, oddvita Sjálfstæðisflokksins, sem hefur lofað að fækka millistjórnendum hjá Reykjavíkurborg ...
