Samkvæmt dagbók lögreglu frá því í nótt og í gærkvöldi komu upp nokkur mál tengd fíkniefnum og umferðarlagabrotum auk annarra brota.

Í hverfi 108 var ökumaður handtekinn grunaður um akstur undir áhrifum fíkniefna. Farþegi í bifreiðinni var jafnframt kærður fyrir vörslu fíkniefna. Annar ökumaður var einnig handtekinn í sama hverfi fyrir akstur undir áhrifum fíkniefna.

Tilkynnt var um húsbrot og eignaspjöll í Hafnarfirði, en rannsókn málsins stendur yfir. Þá voru tveir einstaklingar kærðir fyrir vörslu fíkniefna í Hafnarfirði

Í Kópavogi var tilkynnt um líkamsárás. Í sama bæjarfélagi voru einnig ökumenn kærðir fyrir hraðakstur, en meðal mældra hraða voru 131 km/klst., 137 km/klst. og 140 km/klst. þar sem hámarkshraði er 80 km/klst.

Í Kópavogi var ökumaður handtekinn fyrir akstur undir áhrifum fíkniefna og án ökuréttinda. Sambærileg brot komu einnig upp í öðrum hverfum; í Árbæ var ökumaður handtekinn fyrir akstur undir áhrifum fíkniefna, og í Grafarvogi var ökumaður handtekinn fyrir akstur undir áhrifum fíkniefna og akstur sviptur ökuréttindum.

Þá voru tveir ökumenn kærðir fyrir að aka sviptir ökuréttindum í Reykjavík.