Einar Guttormsson og Hartmann Guðmundsson eru nú á hjólreiðaferð um vesturströnd Bandaríkin þar sem þeir hjóla alls 3.500 kílómetra á 37 dögum til styrktar Parkinsonsamtökin, að því er fram kemur í fréttatilkynningu.

Ferðin hófst í Seattle þann 18. apríl og lýkur í eyðimörkum Arizona þann 24. maí. Á leiðinni þurfa þeir ekki aðeins að takast á við langar dagleiðir heldur einnig mikla hækkun, sem samanlagt jafngildir því að klífa fjóra Everest-tinda. Þátttakendur eru frá ýmsum löndum en Einar og Hartmann eru fulltrúar Íslands í ferðinni.

Þeir hjóla á hefðbundnum reiðhjólum en ekki rafhjólum og hafa þegar lokið rúmlega 2.300 kílómetrum af ferðinni.

Ferðin er farin til að vekja athygli á mikilvægi hreyfingar fyrir fólk með Parkinsonsjúkdóminn. Flestir þátttakendanna eru sjálfir með sjúkdóminn og margir komnir yfir sextugt. Einar greindist með Parkinson og hefur lagt mikla áherslu á reglulega og markvissa hreyfingu sem hluta af sinni meðferð og lífsstíl.

Hópurinn samanstendur af fólki sem hefur æft saman í gegnum netið með hjólahópnum ZWAP, þar sem þátttakendur styðja hver annan og æfa saman í gegnum hjólaæfingaforrit á netinu.

Alls verða 27 manns í hópnum þegar ferðinni lýkur, en þátttakendur hjóla mislanga kafla. Á leiðinni hafa Parkinsonfélög víða um Bandaríkin tekið á móti hópnum og staðið fyrir viðburðum til stuðnings ferðinni.

Samhliða ferðinni stendur yfir áheitasöfnun fyrir Parkinsonsamtökin þar sem safnað er fyrir nýjum tækjabúnaði í æfingasal samtakanna í Hafnarfjörður. Samtökin starfa í Lífsgæðasetri St. Jó og bjóða upp á sérhæfða endurhæfingu, fræðslu og stuðning fyrir fólk með Parkinson og aðstandendur þeirra.

Áheitasöfnunin fer fram á heimasíðu samtakanna.

Þá er hægt að sjá fréttir úr ferðinni sem birtast daglega á samfélagsmiðlum:

Facebook: Einar Guttormsson

Facebook: Hartmann K. Guðmundsson

Facebook: Pedal to Phoenix 2026 by Zwap

Hvað er hópurinn staddur núna? Follow Zwap and team west coast to Pheonix