Héraðssaksóknari hefur gefið út ákæru á hendur íslenskum karlmanni fyrir ítrekuð brot gegn valdstjórninni á árunum 2023 til 2025.
Samkvæmt ákæru er manninum gefið að sök að hafa í þremur aðskildum tilvikum hótað lögreglumönnum lífláti og alvarlegu ofbeldi í kjölfar handtöku og meðan á flutningi hans og vistun á lögreglustöð stóð.
Elsta atvikið er frá febrúar 2023 þegar hann var handtekinn á Skúlagötu í Reykjavík. Þar er honum meðal annars gefið að sök að hafa hrækt á lögreglumann og ítrekað hótað lögreglumönnum lífláti. Samkvæmt ákæru lét hann einnig falla hótanir um að drepa börn lögreglumanna.
Annað atvikið átti sér stað í október 2024 eftir handtöku við Austurstræti. Þar á hann að hafa hótað lögreglumanni líkamsmeiðingum og sagst ætla að berja hann og slá úr honum tennurnar.
Þriðja atvikið er frá júlí 2025 þegar ákærði var handtekinn og fluttur á lögreglustöð. Þá á hann meðal annars að hafa hótað tveimur lögreglumönnum lífláti og líkamsmeiðingum.
Héraðssaksóknari krefst þess að Þorvaldur verði dæmdur til refsingar og greiðslu sakarkostnaðar.
Umræddar hótanir:
„The next time I get the long gun, I will kill every cop I can.“
„Before I die I´m going to kill couple of you motherfuckers.“
„Next time I get locked up, when you let me I am going to try to kill every fucking pig I find, I mean that seriously…get me the long gun.“
„When I get the long gun I gurantee you I am going to kill atleast five of you motherfukers.“
„No I am threatening to kill your children.“
„I am going to find my fucking way to kill everyone your fuckers.“
„Next when I see you and I am sober I am going to beat the shit out of you og I will take your teeth out.“
„Apologize mother fucker…you don’t want to, it is your teeth og I am going to take his teeth, fuck you all.“
„I will fucking smack you like you don´t know.“
„I am going to tell you this, if I get acuse of sexual crime I am going to kill the motherfocker.“
„I´m going to kill you.“
