Rúta með orðin „Call on Jesus“ á hliðinni sprakk í loft upp þegar hún var alelda og kastaðist brak út um allt, sem olli skemmdum á nálægum bílum og fyrirtækjum.

„Ég fann fyrir þessari,“ má heyra einn mann segja á myndefni frá sjónarvotti sem náði háværri sprengingu á upptöku í Shreveport í Louisiana en gerðist þetta allt saman á miðvikudaginn.

Slökkvilið Shreveport sagði í tilkynningu til fjölmiðla að eldurinn hefði komið upp í SporTran-rútu, sem er hluti af almenningssamgöngukerfi borgarinnar. Þegar slökkvilið kom á staðinn logaði rútan og var neyðarloki á einum þjappaða gasgeyminum hennar opin og eldar brutust út frá honum.

Lögregla og slökkvilið settu hratt upp öryggissvæði til að halda fólki frá, en skömmu síðar sprakk eldsneytisgeymir rútunnar og olli hraðri stigmögnun eldsins sem leiddi til þess að rútan stóð öll í björtu báli, sagði slökkviliðið.

„Sprengingin leiddi til aukaskemmda á nokkrum nálægum fyrirtækjum, ökutækjum og steypunni á veginum þar sem rútan var stöðvuð,“ sagði slökkviliðið í yfirlýsingu.

Það þurfti 18 slökkviliðsmenn til að ná stjórn á eldinum og engin meiðsli urðu á fólki.

„Að svo stöddu vitum við að mikil eyðilegging hefur átt sér stað og að skemmdir hafa orðið á götunni sem rútan var á, sem og byggingum beggja vegna götunnar: Önnur við Dallas Center og önnur sem er fjölbýlishús,“ sagði Daniel McDonnell frá slökkviliði Shreveport.