Lögreglan á höfuðborgarsvæðinu óskar eftir upplýsingum um ferðir Halldórs Inga Emilssonar, 43 ára, en ekkert hefur spurst til hans í nokkurn tíma.

Samkvæmt upplýsingum frá lögreglu er talið líklegt að Halldór haldi til á höfuðborgarsvæðinu. Hann er um 183 sentímetrar á hæð, grannvaxinn og dökkhærður.

Engin mynd af Halldóri er tiltæk til birtingar að sögn lögreglu.

Þeir sem hafa upplýsingar um ferðir Halldórs eða vita hvar hann er niðurkominn eru vinsamlegast beðnir um að hafa samband við lögregluna á höfuðborgarsvæðinu í síma 444-1000.

Einnig er hægt að hafa samband við Neyðarlínuna í síma 112.