Söngvarinn Guðmundur Magni Ásgeirsson, forsprakki hljómsveitarinnar Á móti sól, minnist írska tónlistarmannsins Glen Hansard með hlýjum orðum eftir fregnir af andláti hans en Glen kom fram á Bræðslunni á Borgarfirði eystra árið 2011.

Í Facebook-færslu segir Magni að honum hafi brugðið mjög við tíðindin en Glen lést í mótorhjólaslysi í Dyflinni.

„Hræðilegar fréttir af dauða þessa frábæra manns,“ skrifar hann.

Hann rifjar upp að hafa fengið tækifæri til að verja tíma með Hansard á tónlistarhátíðinni Bræðslunni og einnig séð hann koma fram með Eddie Vedder, söngvara Pearl Jam.

Magni segir Hansard hafa verið einstakan tónlistarmann.

„Þvílík rödd og þvílíkur gítarleikari, en eftir stendur að hann var svo ótrúlega viðkunnalegur við alla á Bræðslunni,“ skrifar hann.

Með færslunni birtir hann myndskeið sem hann tók í hljóðprufu Hansards á Bræðslunni og segir sig telja að þar hafi tónlistarmaðurinn verið að prófa nýsamda tónlist.

„Takk fyrir tónlistina, Glen Hansard,“ skrifar Magni að lokum.

Frændi Magna, trommarinn og landfræðingurinn Hafþór Snjólfur Helgason skrifaði einnig færslu um hinn fallna tónlistarmann og hafði orð á því að hann hafi verið afar viðkunnalegur.

„Ég þekkti Glen Hansard ekki neitt en ég spjallaði slatta við hann baksviðs á Bræðslunni 2011 og hann var einstaklega næs og ég hef haldið mikið upp á síðan þá og fylgst með honum á öllum miðlum. Sorgarfrétt og mikill meistari farinn allt of snemma.“