Margrét Helga Jóhannsdóttir leikkona er látin, 86 ára að aldri.

Morgunblaðið greinir frá andláti hennar.

Margrét Helga fæddist á Brúarlandi í Mosfellssveit 4. maí 1940. Hún lauk námi frá leiklistarskóla Þjóðleikhússins árið 1967 og starfaði þar fyrstu árin áður en hún gekk til liðs við Leikfélag Reykjavíkur árið 1972. Þar varð hún einn af burðarásum leikhússins um áratugaskeið og tók þátt í fjölmörgum uppfærslum sem markað hafa íslenska leiklistarsögu.

Ferill hennar spannaði einnig kvikmyndir, sjónvarp og útvarp. Hún hlaut Edduverðlaunin tvisvar, fyrir leik sinn í Englum alheimsins árið 1999 og Eldfjalli árið 2012. Meðal annarra þekktra kvikmyndahlutverka hennar voru í Bjarnfreðarsyni, Fúsa, Börnum, Kristnihaldi undir jökli, Stellu í orlofi og Jóni Oddi og Jóni Bjarna.

Árið 2024 hlaut Margrét Helga heiðursverðlaun Grímunnar fyrir framlag sitt til íslenskrar leiklistar. Hún var gerð að heiðursfélaga í Leikfélagi Reykjavíkur árið 2017.

Margrét Helga eignaðist þrjú börn.