Steinar Smári Guðbergsson meindýraeyðir játar í viðtali að hann tilkynni ekki veggjalýs til yfirvalda en í reglugerðum er meindýraeyðum skylt að tilkynnt slíkt.

„Ég lít á þetta bara sem einkamál, ég vil ekkert tilkynna eða láta neinn vita hvar ég hef verið í veggjalús. Mér finnst það vera hvers og eins bara að ákveða hvort að hann vilji bera það út um borg og bý,“ sagði Steinar í samtali við RÚV en Sigrún Guðmundsdóttir, fram­kvæmda­stjóri Heil­brigðis­eft­ir­lits Suður­lands, segir málið skýrt en veggjalúsatilfellum hefur fjölgað gríðarlega mikið undanfarið.

„Það er al­veg skýrt í reglu­gerðinni um holl­ustu­hætti að mein­dýra­eyðar eiga að til­kynna þetta en þetta virðist bara vera eitt­hvert feimn­is­mál en við mynd­um aldrei fara með það í fjöl­miðla hvar veggjal­ús kem­ur upp,“ seg­ir Sigrún í sam­tali við Morg­un­blaðið.

Steinar segir að hann fá allt að þrjú útköll á dag varðandi veggjalýs en fyrir tveimur árum hafi þau kannski verið eitt í viku. Þá telur hann lúsina vera orðna ónæm fyrir eitrinu sem notað hefur verið.