Samkvæmt nýrri tillögu um lengri opnunartíma sundlauga í Reykjavík yfir sumarmánuðina verða sundlaugar borgarinnar opnar til klukkan 22:00 um helgar frá 1. júní til 31. ágúst 2026 en þetta kemur fram í tilkynningu borgarinnar.

Tillagan var samþykkt á fundi menningar- og íþróttaráðs í síðustu viku.

Markmiðið með breytingunni er að bæta þjónustu við íbúa og samræma opnunartíma betur við lengri útivistartíma barna á sumrin.

Um er að ræða sérstaka sumaropnun sem tekur mið af því að börn mega vera lengur úti á þessum tíma árs. Frá 1. maí til 1. september mega börn 12 ára og yngri vera úti til klukkan 22:00, en börn á aldrinum 13–16 ára til miðnættis.