Rannsókn á andláti Hans Löf er lokið en Morgunblaðið greinir frá þessu,
Margrét Löf, dóttir Hans, hefur setið í gæsluvarðhaldi frá 13. apríl og er með stöðu sakbornings í málinu. Málið hefur verið sent til ákærusviðs lögreglunnar á höfuðborgarsvæðinu sem tekur svo ákvörðun um framhaldið. Samkvæmt Heimildinni hefur Margrét játað ofbeldi gagnvart foreldrum sínum en neitar sök í andláti föður síns.
Í viðtali við Heimildina sögðu tveir hestamenn að þeir hafi orðið vitni að ofbeldi Margrétar í garð foreldra sinna. Þannig lýsti einn sjónarvottur því að hann hefði orðið vitni að undarlegum atburðum inni í bifreið. Móðir konunnar sat þar og virtist sem dóttirin væri að reyna að faðma hana inni í bílnum. Þegar vitnið hafi nálgast bifreiðina hafi komið í ljós að dóttirin lét höggin dynja á móður sinni.
Hans Löf starfaði áður sem tannsmiður, en átti áttræðisafmæli daginn sem hann lést.
