Roger Ray Phea hefur verið dæmdur í fangelsi af Héraðsdómi Reykjavíkur en dómurinn var birtur fyrir stuttu.

Hann var ákærður fyrir tilraun til fíkniefnalagabrots, með því að hafa föstudaginn 10. janúar 2025, sótt og gert tilraun til að taka við 4.485 g af maríhúana, en fíkniefnunum hafði verið komið fyrir í kassa sem átti að innihalda Airfryer matvinnslutæki frá Bandaríkjunum. Lögregla lagði hald á fíkniefnin í vöruhúsi Fedex að Selhellu 9 í Hafnarfirði og skipti þeim út fyrir gerviefni. Ákærði sótti pakkann í Fedex að Selhellu 9 í Hafnarfirði og ók með hann að heimili sínu að í Reykjavík, þar sem hann var handtekinn.

Phea neitaði sök og sagðist hafa verið að sækja kassann sem greiða fyrir aðra. Dómarinn var ekki sammála þessu en taldi að rannsókn lögreglu hefði getað verið betri. Samkvæmt sakavottorði hefur Phea í tvígang verið sviptur ökurétti og eitt sinn dæmdur fyrir brot gegn valdstjórninni.

Hann var á endanum dæmdur í fjögurra mánaða fangelsi en dómurinn er skilorðsbundinn til tveggja ára.