Margir eru ennþá að klóra sér í hausnum yfir bæjarstjórnmálunum í Hafnarfirði en búist var við því að Framsóknarflokkurinn og Sjálfstæðisflokkurinn myndu halda áfram samstarfi sínu þar á bæ.

Hins vegar sendi Sjálfstæðisflokkurinn út tilkynningu þar sem Valdimar Víðisson, oddviti Framsóknar og bæjarstjóri Hafnarfjarðar, var sakaður um alvarlegan trúnaðarbrest og sendi Samfylkingin frá sér svipaða tilkynningu um Valdimar. Svo virðist vera að hann hafi verið í viðræðum við marga flokka í einu en töldu flokkarnir sig vera eina í viðræðum við Framsóknarflokkinn.

Slúðrað er um það í Hafnarfirði þessa dagana að Rósa Guðbjartsdóttir, þingmaður Sjálfstæðisflokksins og fyrrum bæjarstjóri Hafnarfjarðar, sé heilinn á bakvið allt saman. Til stóð að Valdimar yrði áfram bæjarstjóri en sagt er að Rósa hafi viljað tryggja Orra Björnssyni, eftirmanni sínum í Hafnarfirði, stólinn og hún hafi því ráðlagt honum að slíta viðræðunum með þessum hætti. Auðveldara væri fyrir flokkinn að fá bæjarstjórastólinn með Samfylkingunni og Viðreisn ...