Héraðsdómur Reykjavíkur sýknaði í dag RÚV og Þóru Arnórsdóttur, forstöðumann samskipta hjá Landsvirkjun og fyrrverandi ritstjóra Kveiks, í „byrlunarmálinu” sem Páll Steingrímsson, skipstjóri hjá Samherja, höfðaði.

RÚV greindi frá niðurstöðunni.

Þinghald í málinu fór fram fyrir luktum dyrum.

Málið laut að miskabótakröfu Páls vegna meintra brota á friðhelgi einkalífs eftir að sími hans var sagður hafa verið afritaður meðan hann lá á gjörgæslu. Taldi Páll að RÚV bæri ábyrgð á slíku. Hann var jafnframt dæmdur til að greiða RÚV og Þóru Arnórsdóttur samtals 1,4 milljónir króna í málskostnað.