Séra Eðvarð Ingólfsson er látinn 65 ára að aldri. Þjóðkirkjan greinir frá andláti hans.

Eðvarð fæddist 25. apríl 1960 í Reykjavík. Foreldrar hans voru Guðný Jónína Þórarinsdóttir og Ingólfur Eðvarðsson.

Eftir að hafa lokið stúdentsprófi frá Menntaskólanum á Egilsstöðum og embættisprófi í guðfræði var hann vígður til starfa árið 1996 en árið 1997 flutti hann á Akranes og þjónaði sem sóknarprestur í 22 ár.

Auk þess að vera prestur starfaði hann um tíma sem dagskrárgerðarmaður hjá Ríkisútvarpinu, bæði á Rás 1 og Rás 2. Þá var hann einnig duglegur rithöfundur og skrifaði hannn margar bækur, bæði skáldsögur og ævisögur.

Hann þurfti að hætta störfum langt fyrir aldur fram vegna erfiðra veikinda.

Eðvarð lætur eftir sig eiginkonu og þrjú börn.