Öfga-hægri hópurinn Skjöldur Íslands, sem inniheldur sjálfskipaða verndarar íslenskra gilda og kvenna, hafa nú annað hvort eytt Facebook-hópnum sínum eða falið hann fyrir öðrum en meðlimum hans.
Hópurinn vakti athygli á dögunum eftir að þeir sáust ganga um miðbæ Reykjavíkur, merktir nafni félagsskaparins, Skjöldur Íslands, þar sem þeir sinntu að eigin sögn öryggisgæslu til að vernda konur frá erlendum mönnum. Hópurinn deildi myndböndum og frásögnum af svokölluðu afskiptaleysi lögreglunnar þegar útlendur maður var „sveiflandi sverðum“ á Ingólfstorgi. Fréttir af hópnum hefur vakið nokkurn ugg í samfélaginu enda skýr tengsl við öfga-þjóðernishópa og hugmyndir. Notar til dæmis hópurinn rauðan riddarakross í merki sínu, sem var merki kristinna krossfara á 12. öld sem vernduðu Jerúsalem og drápu múslima. Norski hryðjuverkamaðurinn Breikvik notaði sama kross í stefnuyfirlýsingu sinni árið 2011.
En nú er sem sagt ekki lengur hægt að finna Skjöldur Íslands hópinn á Facebook, þar sem annað hvort er búið að eyða honum eða fela hann fyrir utanaðkomandi aðilum.
Fólkið á bakvið skjöldinn
Sigurrós Yrja Jónsdóttir stofnaði hópinn en aðrir stjórnendur hópsins á Facebook eru þeir Gylfi Jónsson, maki Sigurrósar Yrju, Sveinn Hjörtur Guðfinnsson og Sindri Daði Rafnsson.
Þá hafa þeir Daníel Freyr Sævarsson og Sigfús Aðalsteinsson verið virkið hingað til í hópnum en Sigfús vakti gríðarlega athygli á dögunum er hann stofnaði hópinn Ísland - þvert á flokka, sem stóð fyrir mótmælafundum á Austurvelli, gegn stefnu íslenskra stjórnvalda í innflytjenda- og hælisleitendamálum.
