Héraðssaksóknari hefur gefið út ákæru á hendur Skúla Tómasi Gunnlaugssyni hjartalækni vegna andláts Dönu Jóhannsdóttur. Samkvæmt ákærunni er honum gefið að sök að hafa látið gefa henni, á Heilbrigðisstofnun Suðurnesja árið 2019, morfín og morfínskyld lyf í svo miklu magni að lyfjameðferðin hafi leitt til dauða hennar.

Vísir greinir frá þessu

Í ákærunni kemur fram að Skúli Tómas sé ákærður fyrir manndráp og brot á lögum um heilbrigðisstarfsmenn. Til vara er hann ákærður fyrir manndráp af gáleysi og brot á sömu lögum.

Börn Dönu fara jafnframt fram á miskabætur að fjárhæð tugir milljóna króna.

Málið verður þingfest eftir viku í Héraðsdómi Reykjaness.