Reykjavíkurborg hefur birt lista yfir árlegar viðhaldslokanir sundlauga borgarinnar í sumar.

Fram kemur að viðhaldið fari fram yfir sumarmánuðina þar sem ekki sé hægt að sinna framkvæmdum utanhúss yfir vetrartímann. Í lokununum verður meðal annars farið í viðgerðir á mannvirkjum, málningarvinnu, múrviðgerðir og annað almennt viðhald sem ekki er hægt að framkvæma á meðan laugarnar eru opnar gestum.

Eftirfarandi sundlaugar verða lokaðar vegna framkvæmda í sumar:

• Sundhöll Reykjavíkur: 26. maí til 21. júní
• Árbæjarlaug: 8. til 15. júní
• Dalslaug: 1. til 7. júní
• Grafarvogslaug: 15. til 23. júní
• Vesturbæjarlaug: 23. til 30. júní
• Klébergslaug: 24. til 30. ágúst
• Laugardalslaug: 24. til 30. ágúst

Reykjavíkurborg biðst afsökunar á þeim óþægindum sem lokanirnar kunna að valda og þakkar gestum fyrir tillitssemina, að því er fram kemur í tilkynningunni.