Svavar Sigmundsson, fyrrverandi dósent og forstöðumaður Örnefnastofnunar Íslands, lést 11. apríl, 86 ára að aldri.

Morgunblaðið greinir frá andláti hans.

Hann fæddist 7. september 1939 í Túni í Hraungerðishreppi, sonur Sigmundar Ámundasonar og Guðrúnar Guðmundsdóttur. Svavar lauk stúdentsprófi frá Menntaskólanum að Laugarvatni 1958 og cand.mag.-prófi í íslensku frá Háskóla Íslands 1966. Hann starfaði sem lektor, sendikennari í Helsinki og Kaupmannahöfn, og síðar við Háskóla Íslands, þar sem hann varð dósent.

Hann var sérfræðingur við Orðabók Háskólans og gegndi forstöðu Örnefnastofnunar 1999–2006 og síðar örnefnasviðs Árnastofnunar til 2009. Svavar var ritstjóri Samheitaorðabókar og meðhöfundur Orðabókar um slangur. Hann birti fjölda fræðigreina og vann að útgáfu mikilvægra rita, m.a. Íslenskra bæna fyrir 1600. Eftir starfslok hélt hann áfram rannsóknum og útgáfu.

Hann lætur eftir sig dótturina Guðrúnu Maríu, stjúpsoninn Matthías Svane og fimm barnabörn.