Þórhallur Gunnarsson, fjölmiðlamaður og ráðgafi, hefur ekki mikla trú á íslenskum stjórnmálaflokkum þess stundina ef marka má færslu sem hann setti á samfélagsmiðla í gær.
Þar tekur hann alla þingflokka Íslands á beinið.
„Sjálfstæðisflokkurinn hefur fjarlægst eigin hugmyndafræði,“ skrifar Þórhallur. „Viðreisn ætlaði að fylla í gatið en vita varla hvort þau eru til hægri eða vinstri,“ heldur hann áfram. Svo segir hann að Samfylkingin hafi aldrei verið hægri sinnaðri en einmitt í dag og segir flokkinn hafa áður verið til vinstri.
„Framsóknarflokkurinn sem var landsbyggðarflokkur missti áhugann á landsbyggðinni og langar helst að vera stór í Reykjavík. Flokkur fólksins er fyrst og fremst flokkur fólksins í flokknum. Miðflokkurinn er að reyna að vera eitthvað sem hann sjálfur hefur ekki trú á,“ skrifar hann að lokum.
Þingmaður leggur tjáir sig
Guðmundur Andri Thorsson, fyrrverandi þingmaður Samfylkingarinnar, blandar sér í umræðuna og kastar fram athugasemd við færslu Þórhalls.
„Einu sinni voru til Frjálslyndir og vinstri menn. Eiginlega er Viðreisn Frjálslyndir og hægri menn, og hefur reynt, með góðum árangri, að höfða til svokallaðra hægrikrata. Vg reyndi að taka stöðu Samfó á hinu breiða miðvinstrisvæði og ratar ekki alveg til baka á sinn gamla vinstri stað; þar sem nú heyrist ekki mannsins mál fyrir sósíalistum að garga hver á annan. Miðflokkurinn er flokkur sem segir ekki einu sinni satt í nafninu sínu, aukinheldur um annað; byrjaði sem hægriarmur Framsóknar, búralegt íhald en hefur verið yfirtekinn af ungum trumpistum og sléttgreiddum lærisveinum amerískra nýrasista. Samfó, minn flokkur, er kominn i gamla virkjanagírinn, og er ekki alveg ósvipuð flokknum eins og hann var upp úr aldamótum,“ skrifar þingmaðurinn fyrrverandi.
Þórhallur svarar og segist vera sammála að mestu leyti en segir þessi skilgreining sé svolítið flókin fyrir venjulegt fólk sem skilur ekki allar þessar flækjur og líkir stjórnmálum við stuðningi við íþróttafélög.
