Leikkonan Steinunn Ólína Þorsteinsdóttir segir að hún hafi nýlega gengist undir starfshæfismat að beiðni Þjóðleikhúsið eftir að hafa verið í eitt og hálft ár í veikindaleyfi.

Hún skrifaði í síðustu viku pistil þar sem hún velti fyrir sér hvort leikhúsið væri að reyna losna við sig en þá greindi hún frá því að leikhúsið hefði farið fram á starfshæfismatið

Í nýjum pistili greinir frá því að það sé hennar mat sé matið tilgangslaust og hún spyr sig jafnframt hvað stofnunin hafi greitt fyrir framkvæmd þess en Steinunn Ólína er fastráðin hjá Þjóðleikhúsinu. Hún hafi þó gengist undir þetta mat.

Í pistlinum segir hún að eftir umfjöllunina hafi henni borist fjöldi ábendinga frá opinberum starfsmönnum sem telji slíkt starfshæfismat mögulega ólögmætt og gagnrýni ákvörðun Þjóðleikhússtjóra um að senda hana í matið.

Rétt er þó að taka fram að samkvæmt íslenskum stéttarfélögum eins og BHM þykir eðlilegt að vinnuveitandi fari fram á starfshæfismat.

„Á flestum vinnustöðum, bæði á opinberum og almennum vinnumarkaði, gilda reglur í kjarasamningum eða starfsreglum um að starfsmaður skuli leggja fram læknisvottorð ef hann hefur verið frá vinnu vegna veikinda í ákveðinn tíma, oft 4 vikur eða lengur. Slíkt vottorð staðfestir að starfsmaður geti sinnt starfi sínu með eðlilegum hætti eða hvort sérstakar ráðstafanir séu nauðsynlegar, t.d. tímabundin aðlögun eða lækkun starfshlutfalls. Yfirmaður eða mannauðsdeild ber ábyrgð á að óska eftir slíku vottorði ef þörf er á,“ stendur á heimasíðu BHM.

Magnús Geir Þórðarson þjóðleikhússtjóri hefur ekki svarað fyrirspurnum Mannlífs um málið.