Fyrrverandi ríkissáttasemjari, Þórir Einarsson, er látinn, 92 ára að aldri. Morgunblaðið greinir frá andláti hans.

Þórir fæddist í Reykjavík 2. október 1933. Foreldrar hans voru Einar Óskar Ástráður Þórðarson húsgagnasmíðameistari og Guðmunda Laufey Guðmundsdóttir.

Þórir lauk stúdentsprófi frá Menntaskólanum í Reykjavík árið 1953 og útskrifaðist með cand. oecon.-próf í viðskiptafræði frá Háskóla Íslands árið 1957. Að því loknu stundaði hann framhaldsnám í Þýskaland á árunum 1957 til 1960. Eftir heimkomu starfaði hann sem sérfræðingur hjá Iðnaðarmálastofnun Íslands á árunum 1961 til 1971.

Síðar hóf hann störf við viðskiptadeild Háskóla Íslands þar sem hann gegndi stöðum lektors, dósents og síðar prófessors. Hann kenndi stjórnun og skyldar greinar og starfaði við skólann allt til ársins 1995. Að því loknu tók hann við embætti ríkissáttasemjara og gegndi því í níu ár.

Þórir gegndi einnig fjölmörgum trúnaðarstörfum, meðal annars sem formaður Félags viðskipta- og hagfræðinga og Bandalags háskólamanna. Árið 2002 hlaut hann heiðursmerki hinnar íslensku fálkaorðu og árið 2008 var honum veitt doktorsnafnbót í heiðursskyni frá Háskóla Íslands.

-Þórir lætur eftir sig eiginkonu og tvö börn.