Alls eru 83 mál skráð í kerfi lögreglunnar á höfuðborgarsvæðinu eftir gærkvöldið og nóttina og eru 10 vistaðir í fangageymslum hennar. Hér má sjá nokkur dæmi um verkefni lögreglunnar á tímabilinu.
Í Hlíðunum barst tilkynning um innbrot í verslun en í dagbók lögreglunnar kemur ekki fram frekari upplýsingar.
Þrír voru handteknir fyrir líkamsárás og brot á lögreglusamþykkt fyrir Reykjavíkurborg í miðbæ Reykjavíikur. Var hluti hópsins laus eftir skýrslutöku á meðan annar var vistaður sökum ástands, í fangaklefa lögreglunnar á Hverfisgötu.
Einnig barst tilkynning um stolið ökutæki sem síðan fannst í Hafnarfirði og er málið komið í hefðbundið ferli.
Lögreglan sem annast útköll í Kópavogi og í Breiðholtinu handtók aðila fyrir ölvunarakstur. Eftir hefðbundið ferli á lögreglustöðinni var honum sleppt. Þá var annar aðili handtekinn fyrir akstur undir áhrifum ávana- og fíkniefna eða lyfja og var fluttur á lögreglustöð í hefðbundið ferli en laus að því loknu.
Lögreglan sem hefur höfuðstöðvar á Vínlandsleið handtók tvö aðila í sitthvoru málinu en annar þeirra keyrði undir áhrifum áfengis en hinn undir áhrifum ávana- og fíkniefna eða lyfja. Voru báðir aðilarnir lausir eftir hefðbundið ferli á lögreglustöð.
