Tomas Sachniukas hefur verið dæmdur í fangelsi af Héraðsdómi Reykjavíkur eftir að hann réðst á lögreglumenn.

Hann var ákærður fyrir brot gegn valdstjórninni, með því að hafa laugardaginn 18. janúar 2025, í bifreiðakjallara, tekið lögreglumann hengingartaki og reynt að þrengja að öndunarvegi hans og fyrir að hafa sparkað í kvið og læri annars lögreglumanns, þar sem þeir voru við skyldustörf, með þeim afleiðingum að fyrri lögreglumaðurinn hlaut mar á nefni og mar og yfirborðsáverka á vör.

Hann játaði brot sitt og hafði ekki áður gerst sekur um refsiverða háttsemi sem hafði þýðingu við þetta mál.

Tomas var dæmdur í tveggja mánaða skilorðsbundið fangelsi og er dómurinn skilorðbundinn til tveggja ára. Þá þarf hann að greiða 45.208 krónur í sakarkostnað.