Sigrún Árnadóttir, framkvæmdastjóri Félagsbústaða, hefur sagt upp starfi sínu og mun uppsögnin taka gildi í sumar. Hún kveðst láta af störfum sátt við sinn hlut og bendir á að hún sé að nálgast starfslokaldur.
Vísir greindi fyrst frá.
Stjórn Félagsbústaða barst uppsagnarbréf Sigrúnar þann 2. apríl. Á fundi stjórnar á mánudag var henni þakkað fyrir metnaðarfull og óeigingjörn störf í þágu félagsins á undanförnum árum.
Hún er að verða 66 ára og hefur gegnt stjórnunarstörfum frá 32 ára aldri. Telur hún nú tímabært að snúa sér að öðrum verkefnum. Hún var áður bæjarstjóri í Sandgerði og var árum saman framkvæmdastjóri Rauða krossins á Íslandi
Sigrún hefur starfað sem framkvæmdastjóri Félagsbústaða í tæp átta ár. Á síðasta ári hefur nokkur ólga einkennt starfsemi stofnunarinnar, en í mars í fyrra skrifaði allt skrifstofufólk undir vantraustsyfirlýsingu á hana.
