Eins og fyrr hefur komið fram er Rabbi Shmuley Boteach að ferðast um Ísland með syni sínu.

Rabbínin er bandarískur rétttrúnaðargyðingur, rithöfundur og fjölmiðlamaður sem oft hefur verið kallaður „þekktasti rabbíni Bandaríkjanna“ af fjölmiðlum á borð við The Washington Post og Newsweek. Hann er þekktastur fyrir að tengja gyðingleg gildi við dægurmenningu, sambandsráðgjöf og alþjóðlega pólitík. Á undanförnum árum hefur Shmuley verið áberandi og umdeildur fyrir stuðning sinn við Ísrael, auk þess sem hann hefur flækst í nokkur áberandi dómsmál.

Í gærkvöldi ákvað rabbínin að kíkja aftur út á lífið í Reykjavík og fór inn á bar 22 við Laugarveg 22. Að hans sögn fékk hann ekki afgreiðslu og setti inn myndband eftir atvikið.

„Ég varð fyrir algjöru áfalli. Ég fór á þennan bar sem fagnar Gay Pride til að kaupa mér bjór. Þeir þekktu mig sem gyðing og sögðu að ég væri hermaður í Ísrael. Ég var beðin um að yfirgefa staðinn og var á þeim tímapunkti áreittur af þremur einstaklingum. Barinn heitir 22 og er í Reykjavík. Það er hneykslanlegt og ógeðslegt að þetta sé leyfilegt á Íslandi. Ég velti því fyrir mér hvort gyðingar séu öruggir hér, ég velti því virkilega fyrir mér.“