Nú liggur fyrir að Sjálfstæðisflokkurinn er sigurvegari sveitarstjórnarkosninganna sem fóru fram í gær. Þó að þetta séu vissulega gleðitíðindi að mati flokksmanna mun góður árgangur flokksins á öllu landinu breyta mörgu fyrir landsfund hans, sem haldinn verður snemma á næsta ári.

Það er ekkert leyndarmál að Ásdís Kristjánsdóttir, bæjarstjóri Kópavogs, hefur verið að undirbúa framboð frá því að Guðrún Hafsteinsdóttir var kjörin formaður flokksins í fyrra. Góð kosning Ásdísar í gær lág alltaf í loftinu og ætlaði hún að nýta sér þá kosningu sem stökkpall í formennsku og á Alþingi í kjölfarið.

Hins vegar, þrátt fyrir jákvæðni innan flokksins, átti enginn von á að Sjálfstæðisflokkurinn myndi ná svo frábærum árangri á landsvísu og hlýtur Guðrún formaður og stuðningsmenn hennar að taka því sem merki að hún sé að standa sig vel í starfinu en sótt hefur að henni af hörku innan úr flokknum á undanförnum mánuðum.

Því verður athyglisvert að fylgjast með baktjaldamakki í flokknum á næstu mánuðum en þar verða stærstu og dýrustu hnífarnir teknir fram eins og venjan er í flokknum ...