Valdimar Örnólfsson, íþróttafrömuður og skíðakappi, lést 20. apríl, 94 ára að aldri.

Vísir greinir frá andlátinu.

Foreldrar hans voru Örnólfur Valdimarsson kaupmaður og útgerðarmaður og Ragnildur Kristbjörg Þorvarðardóttir kennari og húsmóðir.

Hann var einn áhrifamesti íþróttafrömuður landsins og varð landsþekktur fyrir leikfimiþætti sína í Ríkisútvarpinu á árunum 1957–1982. Valdimar átti stóran þátt í uppbyggingu skíðaíþróttar á Íslandi og stofnaði, ásamt félögum, Skíðaskólann í Kerlingarfjöllum sem starfaði frá 1961 til 2000. Þar nutu þúsundir Íslendinga skíðaiðkunar og samveru.

Hann lætur eftir sig þrjá syni en eiginkona hans, Kristín, lést árið 2019.