Matvælastofnun varar við neyslu á þremur framleiðslulotum af Bapao beef frá Tjendrawasih sem Fiska/Lagsmaður flytur inn þar sem óvissa er um öryggi kjöts sem notað var í vöruna. Fyrirtækið hefur innkallað vöruna í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarnes ( HEF). Einnig selt í verslun Dai Phat í Reykjavík og hefur fyrirtækið innkallað vöruna í samráði við Heilbrigðiseftirlit Reykjavíkur.

Tilkynningin barst til Íslands í gegnum evrópska hraðviðvörunarkerfið RASFF um hættuleg matvæli og fóður.

Eingöngu er verið að innkalla eftirfarandi framleiðslulotur:

• Vörumerki: Tjendrawasih
• Vöruheiti: Bapao beef
• Innflytjandi: Lagsmaður ehf. / Fiska.is og Dai Phat
• Best fyrir 6.11.2026, 9.1.2027 og 12.2.2027
• Framleiðsluland: Taíland
• Framleiðandi: Dutch Bakery Group B.V. (Tjendrawasih), Ivoorstraat 15, 1812 RE Alkmaar, Netherlands
• Geymsluskilyrði: Frystivara
• Dreifing: Verslun Fiska.is, Nýbýlavegi 6, 200 Kópavogur og Dai Phat supermarket, Faxafeni 14