Breki Karlsson, núverandi formaður Neytendasamtakanna, segir að vaxtamunur íslenskra banka sé tvöfalt til þrefalt meiri en hjá sambærilegum bönkum á Norðurlöndum, sem þýðir að íslensku bankarnir hagnast meira á hverri lánaðri krónu. Þrátt fyrir þætti eins og hátt vaxtastig og fákeppni krefst formaður Neytendasamtakanna þess að útlánsvextir lækki og innlánsvextir hækki til að jafna kjör neytenda. Hér má sjá greiningu hans.
„Vaxtagróði:
Vaxtamunur íslenskra banka er tvöfalt meiri en það sem gengur og gerist í svipað stórum bönkum í kringum okkur og þrefalt hærri þar sem munurinn er mestur. Það þýðir að íslensku bankarnir græða tvöfalt meira á hverri lánaðri krónu en samanburðarbankar.
Vaxtamunur er munurinn á vöxtum útlána og innlána, og er einn stærsti hluti tekna flestra banka. En líklega treystir enginn banki á Norðurlöndum jafn mikið á vaxtamuninn og íslensku bankarnir. Við borgum hærri vexti af lánunum okkar og fáum lægri vexti af sparnaðinum.
Fyrir þessum mun eru ýmsar ástæður. Meðal annars hátt vaxtastig, lítill gjaldmiðill, fákeppni, fámenni, háar eiginfjárkröfur, verðbólga og hagsveiflur. En ástæður eru ekki afsakanir og krafan hlýtur að vera að íslenskir neytendur búi við sömu kjör og í öðrum löndum:
Útlánsvextir lækki og innlánsvextir hækki!
- - -
Vaxtamunur skv. hálfsársuppgjörum 2026:
3,4% Landsbankinn
3,4% Íslandsbanki
3,5% Arion banki
Stórir skandinavískir bankar:
1,5% Nordea
1,3% Danske bank
1,7% DNB
1,5% Swedbank
Bankar sambærilegir að stærð:
2,1% AL Sydbank
1,8% Sparbanken Skåne
1,9% Ålandsbanken“
