Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Sturtuvenjur geta sagt sitthvað um persónuleika þinn – Hvaða líkamshluta þværðu fyrst?

Sumir vilja meina að það hvaða lík­ams­hluta fólk velur að þvo fyrst þegar í sturt­una er komið, geti gefið ákveðnar vís­bend­ingar um per­sónu­leika þess.

Í dag má segja að offram­boð sé af hinum ýmsu per­sónu­leika­prófum og grein­ingum. Eitt próf getur svarað þeirri mik­il­vægu spurn­ingu hvaða per­sónu í Harry Potter þú lík­ist mest, á meðan annað vís­inda­legra próf flokkar þig niður í einn af 16 per­sónu­leikum og svarar þannig öllu sem þú þarft að vita til þess að finna ham­ingju og til­gang. Þægilegt, ekki satt?

Þótt hér verði látið vera að leggja mat á gagn­semi slíkra prófa er í það minnsta ljóst að fólk hefur þónokkurn áhuga á sjálfu sér og elskar að láta greina sig, með einum eða öðrum hætti.

Allt sem við gerum, með­vitað og ómeð­vitað, getur gefið vís­bend­ingu um þanka­gang okkar og þá mann­eskju sem við höfum að geyma, eins og ótal lítil púsl verða að einni heild­ar­mynd.

Það ætti svo sem ekki að koma á óvart að ein­hverjum hafi dottið í hug að greina per­sónu­leika fólks út frá sturtu­ferðum. Við eigum jú flest ein­hverja ófrá­víkj­an­lega siði í kringum slíkt, að minnsta kosti þegar vel er að gáð.

Ein­hverjir eru á því að sá lík­ams­partur sem fólk þvær fyrst þegar það fer í sturtu geti gefið ákveðnar vís­bend­ingar um per­sónu­leika þess, enda sé það að setja þann lík­ams­part í for­gang og leggja áherslu á hann. India Times tóku saman eft­ir­far­andi lista.

Hvar þværð þú þér fyrst? Skoðum málið nánar.

1. Andlit

Ef and­litið er það fyrsta sem þú þværð þegar þú ferð í sturtu, gefur það til kynna að þú leggir tölu­verða áherslu á það hvernig þú kemur fyrir og hvernig aðrir sjá þig. Þú átt það til að velta þér of mikið upp úr því hvað öðrum finnst um þig og það getur vakið hjá þér áhyggjur og kvíða. Þú átt það til að vera hör­undsár og finnst erfitt að mis­takast, jafn­vel þótt um lít­il­vægt atriði sé að ræða.

2. Handakrikar

Ef þú setur handa­krik­ana í for­gang ertu lík­lega vin­sæll og félags­lyndur ein­stak­lingur. Þú ert traustur og þekktur fyrir að standa með vinum þínum. Til­finn­ingar þínar gagn­vart öðru fólki eru ýktar; annað hvort elskarðu eða hatar. Það er lítið um grá svæði í lífi þínu. Þú ert með fal­legt hjarta­lag.

3. Axlir/háls

Ef þú þværð axl­irnar og háls­inn fyrst eftir að í sturt­una er komið, ertu lík­lega metn­að­ar­gjarn. Þú skarar gjarnan fram úr í því sem þú tekur þér fyrir hendur. Þú ert ákveð­inn ein­stak­lingur og sæk­ist eftir því sem þú vilt; ekk­ert verk­efni er of stórt. Þú trúir því að með vinnu­semi séu allir vegir færir. Þú átt það til að verða fangi eigin metn­aðar og finnst þú stundum vera að slig­ast undan eigin draumum og vænt­ingum. Þú ert mikil keppn­is­mann­eskja og vilt ávallt vera skref­inu á undan.

4. Bringa

Þvoir þú bring­una á þér fyrst ertu að öllum lík­indum sjálfsör­uggur ein­stak­lingur sem líður vel í eigin skinni. Ákveðni og sjálf­stæði ein­kennir þig. Þú ert fæddur leið­togi, kemur til dyr­anna eins og þú ert klæddur og þolir ekk­ert hálf­kák.

5. Kynfærasvæði

Ef kyn­færa­svæðið er sá staður sem þú þværð fyrst í sturt­unni, gefur það til kynna að þú sért feim­inn og haldir þig dálítið til baka. Þú lætur fólk ef til vill stundum ráðskast með þig og átt erfitt með að standa klár með eigin sann­fær­ingu. Þú ert ein­lægur og umhyggju­samur ein­stak­lingur í kjarna þínum, en það getur tekið fólk tíma að kom­ast inn fyrir varn­ar­veggi þína.

6. Handleggir/fótleggir

Ef þú þværð hand­leggi eða fót­leggi fyrst gefur það vís­bend­ingu um hóg­værð. Þú kemur lík­lega fyrir sem kurt­eis og sýnir auð­mýkt. Þú ert öruggur með þig og átt auð­velt með að tjá skoð­anir þínar.

7. Bak

Ef bakið er sá lík­ams­hluti sem þú setur í for­gang gefur það til kynna að þú farir almennt var­lega og treystir engum í blindni. Bakið táknar með­vit­und. Þú ert að öllum lík­indum inn­hverfur ein­stak­lingur sem kýs ein­veru fram yfir mikil félags­leg sam­skipti í hóp.

8. Hendur

Það að þvo hendur sínar fyrst gefur til kynna and­legan styrk. Þú ert með sterka rétt­læt­is­kennd og stendur með því sem þú telur rétt, án þess að hafa áhyggjur af útkom­unni hverju sinni. Þú myndir seint telj­ast diplómat­ískur, heldur stendur þú fast á þínu og kemur til dyr­anna eins og þú ert klæddur. Þú átt ekki erfitt með óvissu og trúir á sam­ein­ingu og sam­taka­mátt.

9. Hár

Ef þú þværð hár þitt fyrst af öllu í sturt­unni ertu lík­lega dálítið upp­tek­inn af því að hafa hlut­ina í röð og reglu. Það er mik­il­vægt fyrir þig að vera við stjórn­völ­inn og óvissa hentar þér illa. Þú ert með sterkar skoð­anir og hefur eitt­hvað að segja um flest sem kemur upp. Þú ert skipu­lagður ein­stak­lingur sem á auð­velt með tíma­stjórnun.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Eftir að hafa greinst með heilaæxli fyrir fjórum árum lýsir Karl Ágúst þakklæti fyrir að verk hans séu nú aftur á sviði.
Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Heimur

Maður stung­inn í Las Palmas

Menning

Ein besta rapp­sveit Íslands­sög­unnar snýr aftur á svið

Dóttir.x til­nefnd til Music Moves Europe-verð­laun­anna 2027