Veðbankar spá Íslandi fimmta sæti í Eurovision-söngvakeppninni í ár.
Í gær komust þau Hera, Bashar og Sigga Ózk áfram úr undankeppni söngvakeppni RÚV og bætast því í hóp þeirra sem keppa til í úrslita.
Þegar það kvisaðist út í janúar að Palestínumaðurinn Bashar Murad myndi taka þátt, rauk Ísland í fyrsta sæti í spám veðbanka um næsta sigurvegara Eurovision en Úkraína var í öðru sæti en vefsíðan eurovisionworld.com heldur utan um ýmsa tölfræðispár keppninnar. Í byrjun febrúar var Ísland fallið niður í fjórða sæti lista veðbankanna, einu sæti fyrir ofan umdeilt framlag Ísraels og Úkraína var komið í fyrsta sætið. Og nú er svo komið að Ísland er komið niður í fimmta sæti yfir líklegustu sigurvegara keppninnar sem haldin verður í Malmö í Svíþjóð í maí. Er Ísland talið hafa fimm prósent líkur á sigri en Úkraína heil 18 prósent.

Veðbankar spá einnig fyrir um sigurvega úrslitakvölda í hverju landi fyrir sig en hvern telja þeir muni verða sigurvegarinn hér á landi? Bashar Murad er talinn hafa 54 prósent líkur á sigri en næst kemur Aníta með 15 prósent og síðan Væb með 13 prósent líkur.

Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir