Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Sport

Hver er Theodór Elmar?

Innlent

Myglu­eitur í hveiti

Fólk

Notalegt fjöl­skyldu­hús með nægu rými úti og inni til sölu

Pólitík

Segir Ísland úti­loka einmitt þá inn­flytj­endur sem landið þarf á að halda

Pólitík

Segir trygg­inga­fé­lögin „gambla“ með fé úr bóta­sjóðum

Pólitík

Ást­hildur Lóa vill beita skyldu­sparn­aði gegn verð­bólgu

Heimur

Breskir grínistar héldu leyni­lega lista yfir kyn­ferð­is­leg rán­dýr

Innlent

Innkalla leik­fang úr Tiger vegna köfn­un­ar­hættu

Peningar

Skiptum lokið á þrota­búi Talays

Fólk

Vigtuð viku­lega og sett á mat­ar­plan aðeins tíu ára gömul

Ríkið vill eignast Skrúð – Gerir kröfur til tuga eyja og skerja úti fyrir Austfjörðum

Ein fallegasta eyja Íslands
Ein fal­leg­asta eyja Íslands Mynd: east.is

Íslenska ríkið vill eign­ast Skrúð, auk tuga ann­arra eyja og skerja úti fyrir Aust­fjörðum.

Samkvæmt Aust­ur­frétt hefur íslenska ríkið gert kröfur í tuga eyja og skerja úti fyrir Aust­fjörðum. Þekkt­ustu svæðin eru Skrúður, Bjarn­arey og Hafn­ar­hólmi en Papey er eina eyjan á svæð­inu sem kröf­urnar ná ekki til.

Þórdís Kolbrún Reyk­fjörð Gylfa­dóttir, fjár­mála- og efna­hags­ráð­herra leggur fram kröf­urnar fyrir hönd íslenska rík­is­ins en óbyggða­nefnd, sem er sjálf­stæður rann­sókn­ar­að­ili, fer yfir kröf­urnar og aflar heim­ilda um eign­ar­hald og úrskurðar um það. Nefndin hefur nú opin­ber­lega aug­lýst eftir gagn­kröfum en frestur til að senda þær inn er til 15. maí næst­kom­andi.

Fram kemur hjá Aust­ur­frétt að kröfur rík­is­ins byggi á því að land­svæðin hafi verið utan land­náms, það er að segja að sam­kvæmt frá­sögnum Landámu, hafi land­námið ekki náð til svæð­anna, auk þess að ekki liggi fyrir heim­ildir um að seinna hafi stofn­ast til beins eigna­réttar að svæð­unum.

Rökstuðningur ríkisins

Samkvæmt rök­stuðn­ingi rík­is­ins fyrir kröf­unum segir að um sé að ræða eyjar, sker og aðrar land­fræði­legar ein­ingar sem hafi ekki þótt ábú­an­legar, þó að í nokkrum atvikum hafi verið hægt að hafa af þeim ýmsar nytjar. Þá segir einnig í rök­stuðn­ingnum að þó að til­teknar jarðir eða aðilar hafi í gegnum tíð­ina gert ákall til þess­ara lands­svæða, bendi heim­ildir ekki til að til­kallið grund­vall­ist á beinum eigna­rétti, fyrir utan það að óljóst sé með hvaða hætti umræddir aðilar hafi öðl­ast rétt­indin.

Fram að þessu hefur ríkið ein­ungis gert kröfur í land á meg­in­land­inu en nú er sem sagt farið í svæði innan land­helg­innar sem eru ofan­sjávar á stór­straums­fjöru, eins og það er orðað í Aust­ur­frétt. Líklegt þykir að þetta verði loka­verk­efni Óbyggða­nefndar.

Einungis ein eyja við Aust­firði er und­an­skilin kröf­unn en það er Papey. Ástæðan er sú að hún var byggð í ára­tugi eftir að lög um hefð tóku gildi árið 1905. Þó er lýst kröfum í sker í kringum eyj­una. Fyrir utan nafn­greindar eyjar og sker úti fyrir Aust­fjörðum, eru gerðar kröfur í ónafn­greind sker sem standa upp úr á stór­staums­fjöru. Þá áskilur ríkið sér rétt til að bæta við svæðum á rann­sókn­ar­tím­anum.

Hér má svo sjá lista Aust­ur­fréttar af helstu eyjum og skerjum sem ríkið vill eign­ast á Aust­fjörðum:

Álfta­fjörður: Vigur, Skarfa­kambar, Ílsker, Skipa­manna­hólmi, Óseyjar, Marksker, Lyng­hólmi, Brim­ils­nes, Þrúða, Skelja­teigur, Nesbjörg, Skjöldur, Hró­mundsey, Kambur, Þvott­ár­eyjar, Hval­bakur
Beru­fjörður og Ham­ars­fjörður: Búlandseyjar, Sandey, Beru­fjarð­ar­eyjar
Breið­dalur: Breið­dals­eyjar, Axarsker, Stampi, Selvogur
Fáskrúðs­fjörður: Æðarsker og Andey, Skrúður
Reyð­ar­fjörður: Hólma­hólmar, Seley
Borg­ar­fjörður: Hafn­ar­hólmi
Vopna­fjörður: Bjarn­arey, Skip­hólmi og Miðhólmi, Leið­ar­hafn­ar­hólmi

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Lög­reglan lýsir eftir Nikulási Snorra­syni

Nikulás sást síðast á þriðjudag. Hann var þá með bláan bakpoka og klæddur í grænan sumarjakka.
Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Landið

Leifar af skála frá land­náms­tíma fund­ust á Aðalbóli

Fornleifafræðingur telur minjarnar geta varpað ljósi á búsetu í Hrafnkelsdal á fyrstu öldum Íslandsbyggðar.

Sváfu undir berum himni og heill­uð­ust af íslenska hálend­inu

Andri Snær rifjar upp fórn­irnar sem fylgdu Kára­hnjúka­virkjun

Leð­ur­blakan í Fellabæ enn ófundin

Leð­ur­blaka sást á flugi í Fellabæ

Öllu starfs­fólki Heil­brigð­is­eft­ir­lits Aust­ur­lands sagt upp