Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Vilhjálmur segir Seðlabankann hóta launafólki

„Við í verka­lýðs­hreyf­ing­unni vorum svikin, og það illi­lega“

Ásgeir Jónsson seðlabankastjóri
Ásgeir Jónsson seðla­banka­stjóri Vil­hjálmur er afar ósáttur við Seðla­bank­ann Mynd: Háskóli Íslands

Vil­hjálmur Birg­is­son, for­maður Verka­lýðs­fé­lag Akraness og Starfs­greina­sam­bands Íslands, gagn­rýnir harð­lega fram­komu Seðla­banki Íslands á fundi pen­inga­stefnu­nefndar bank­ans í dag og segir tón­inn hafa ein­kennst af skýrum og ítrek­uðum hót­unum í garð verka­lýðs­hreyf­ing­ar­innar.

Fram kemur í frétt Heim­ild­ar­innar að Ásgeir Jónsson seðla­banka­stjóri hafi í morgun gagn­rýn launa­hækk­anir almenn­ings, í fram­haldi af því að pen­inga­stefnu­nefnd Seðla­bank­ans, þar sem hann er for­maður, ákvað að halda vöxtum óbreyttum í 7,25% en þeir eru þeir hæstu í Evrópu, fyrir utan þar sem stríð geysar og ein­ræði ríkir.

„Ég hef oft fylgst með kynn­ingum pen­inga­stefnu­nefndar Seðla­banka Íslands en sjaldan, ef nokkru sinni, upp­lifað jafn skýrar og síend­ur­teknar hót­anir í garð verka­lýðs­hreyf­ing­ar­innar og á fund­inum í dag,“ skrifar Vil­hjálmur í Facebook-færslu sinni sem birt­ist nú fyrir stuttu. Hann segir að verka­lýðs­hreyf­ingin, launa­hækk­anir og kjara­samn­ingar hafi verið nefnd „aftur og aftur“ og að tónn­inn hafi verið „ekki upp­byggi­legur heldur aug­ljós­lega í hót­un­ar­stíl“.

Að hans sögn voru skila­boðin ein­föld:

„Skila­boðin voru ein­föld: ef for­sendur kjara­samn­inga stand­ist ekki í sept­em­ber og ef verka­lýðs­hreyf­ingin neyð­ist til að segja upp samn­ingum muni Seðla­bank­inn bregð­ast við með veru­legum stýri­vaxta­hækk­unum.“ Hann bætir við: „Það var ekki annað að skilja en að launa­fólki væri bein­línis hótað, eins og eng­inn væri morg­un­dag­ur­inn.“

Vil­hjálmur rifjar upp að síð­ustu kjara­samn­ingar hafi verið mót­aðir af Starfs­greina­sam­bandi Íslands, Eflingu og Samiðn. Hann segir að þar hafi verið samið um krónu­tölu­hækkun á kaupstaxta sem hafi skilað lægst laun­aða fólk­inu 23.750 króna hækkun á mán­uði, eða um 5,6 pró­senta hækkun að með­al­tali. Aðrir hafi fengið 3,5 pró­senta launa­hækkun og heild­ar­kostn­að­ar­mat samn­ing­anna hafi verið um 4 pró­sent.

„Þessir samn­ingar voru gerðir af ábyrgð og í þeirri trú að þeir myndu skapa skil­yrði fyrir lækkun verð­bólgu og í fram­hald­inu lækkun vaxta, sem var grund­vall­ar­for­senda fyrir stöð­ug­leika heim­ila og fyr­ir­tækja,“ skrifar hann.

Hann segir jafn­framt að samn­ing­arnir hafi verið gerðir gegn því að ríki, sveit­ar­fé­lög, verslun og þjón­usta héldu aftur af skatta­hækk­unum, gjald­skrár­hækk­unum og verð­lags­hækk­unum, en sú for­senda hafi verið svikin. „Það er stað­reynd,“ skrifar Vil­hjálmur og gagn­rýnir að Seðla­bank­inn hafi lítið fjallað um áhrif opin­berra hækk­ana á verð­bólgu.

Í því sam­hengi nefnir hann meðal ann­ars „50 pró­senta hækkun á fasta­gjaldi hita­veitu hjá Orku­veita Reykja­víkur“, miklar hækk­anir á flug­far­gjöldum hjá Icelandair í des­em­ber sem leiddu til þess að verð­bólga hækk­aði um 1,15 pró­sent á einum mán­uði, og „ekki síst gjald­skrár­hækkun hjá Íslands­pósti sem nam allt að 120 pró­sentum“.

Hann segir jafn­framt að lítið hafi verið fjallað um að opin­berir aðilar eigi stóran þátt í því að verð­tryggðar skuldir heim­ila hafi hækkað um 31 millj­arð króna á aðeins tveimur mán­uðum. „Þetta er raun­veru­leiki sem fólk upp­lifir í dag­legu lífi en virð­ist ekki fá rúm í grein­ingu Seðla­bank­ans,“ skrifar hann.

Vil­hjálmur hafnar því að launa­skrið sé á ábyrgð verka­lýðs­hreyf­ing­ar­innar og bendir á að í Breið­fylk­ing­unni hafi verið samið um 4 pró­senta kostn­að­ar­auka, einnig hjá ríki og sveit­ar­fé­lögum. Hann segir hins vegar að aðrir hópar hafi samið um mun meiri hækk­anir og nefnir að launa­vísi­tala rík­is­starfs­manna hafi hækkað um 11,3 pró­sent og launa­vísi­tala starfs­manna sveit­ar­fé­laga um 11,7 pró­sent.

„Við í verka­lýðs­hreyf­ing­unni vorum svikin, og það illi­lega,“ skrifar hann og segir að þrátt fyrir hátt vaxta­stig sem bitni illa á heim­ilum og fyr­ir­tækjum sé það verka­lýðs­hreyf­ingin sem fái „sparkið“, á meðan Seðla­bank­inn „tipplar á tánum í kringum stjórn­völd, sveit­ar­fé­lög, verslun og þjón­ustu, og ekki síst fjár­mála­kerfið“.

Í lok færsl­unnar segir Vil­hjálmur afstöðu sína skýra:

„Ef for­sendur kjara­samn­inga stand­ast ekki í sept­em­ber þá ber að segja þeim upp.“ Hann segir að ekki sé hægt að horfa upp á „það ofbeldi sem lág­tekju­fólk á almennum vinnu­mark­aði og hjá ríki og sveit­ar­fé­lögum hefur þurft að þola“ og varar við því að lág­tekju­fólk verði notað sem „högg­púði í bar­áttu gegn verð­bólgu sem aðrir bera meg­in­á­byrgð á“.

„Ef sam­fé­lagið ætlar ekki að standa við sinn hluta samn­ings­ins þá er ein­fald­lega ekki grund­völlur fyrir því að verka­lýðs­hreyf­ingin geri það áfram,“ bætir Vil­hjálmur við.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Peningar

Kaup­máttur jókst um 5,8 pró­sent frá upp­hafi kjara­samn­inga­lot­unnar

Atvinnuleysi fór á öðrum ársfjórðungi í fyrsta sinn frá 2010 yfir meðaltal OECD, þótt það sé enn tiltölulega lágt í alþjóðlegum samanburði.
  • Skiptum lokið á þrota­búi Talays

  • Elís seg­ist hafa tapað 100 millj­ónum í við­skiptum við fjár­festa

  • Prett­yboitjokkó stofnar fyr­ir­tæki með fyrrum lands­liðs­manni

  • Lands­liðs­konur í ný störf

  • Danskur hag­fræð­ingur segir krón­una hafa verið mis­heppn­aða til­raun í heila öld