Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

William Shatner og George Takei minnast Walter Koenig

„Hvíldu í friði, kæri vinur. Haltu áfram að sigla örugga leið“

Vinirnir
Vinirnir Takei og Koenig voru vinir í sex ára­tugi Mynd: Facebook

Leik­ar­arnir William Shatner og George Takei minn­ast leik­ar­ans Walter Koenig, sem lést í gær, í færslum á sam­fé­lags­miðlum. Koenig varð heims­þekktur fyrir hlut­verk sitt sem Pavel Chekov í vís­inda­skáld­sagna­ser­í­unni Star Trek.

Shatner, sem lék James T. Kirk skip­stjóra í upp­runa­legu þátta­röð­inni, seg­ist vera harmi sleg­inn vegna and­láts Koenigs. Þeir hafi ekki verið nánir utan töku­staðar en hafi unnið saman á síð­ari þátta­röðum upp­runa­legu Star Trek-ser­í­unnar og í kvik­mynd­unum sex sem fylgdu í kjöl­farið.

Shatner segir að það sem hafi staðið upp úr í fari Koenigs hafi verið ein­lægur áhugi hans á Star Trek-sam­fé­lag­inu. Á aðdá­enda­mótum hafi Koenig sjaldan látið sér nægja að sitja við und­ir­rit­un­ar­borð heldur kosið að vera meðal aðdá­end­anna sem hefðu haldið ser­í­unni á lífi í ára­tugi.

„Slík ein­læg teng­ing er sjald­gæf og hennar verður minnst af öllum sem kynnt­ust honum,“ skrifar Shatner. Hann sendir fjöl­skyldu Koenigs, vinum og þeim fjöl­mörgu aðdá­endum sem hann snerti líf með sam­úð­ar­kveðjur.

Takei og Koenig voru vinir í nærri sex áratugi

George Takei, sem lék Hikaru Sulu í Star Trek, minn­ist Koenigs einnig með hlýjum orðum. Hann segir hjarta sitt þungt og að Koenig, sem aðdá­endur þekktu sem Ensign Pavel Chekov, hafi lát­ist snemma dags.

„Walter og ég kynnt­umst á stjórn­palli geim­skips­ins Enter­prise á sjö­unda ára­tugnum og við héldum vin­áttu okkar í nærri sex ára­tugi,“ skrifar Takei.

Vináttan náði langt út fyrir sam­starfið við gerð þátt­anna. Þegar Takei og eig­in­maður hans, Brad Altman, gengu í hjóna­band árið 2008 var Koenig svara­maður þeirra.

Takei nefnir einnig að Koenig hafi orðið níræður þann 14. sept­em­ber síð­ast­lið­inn, sama dag og hann og eig­in­maður hans fögn­uðu 18 ára brúð­kaups­af­mæli sínu. Hann segir sér ávallt þykja vænt um að þeir Koenig hafi átt þennan dag sam­eig­in­legan.

„Hann var meira en Chekov“

Takei leggur áherslu á að Koenig hafi verið miklu meira en per­sónan sem gerði hann frægan. Hann hafi verið rit­höf­undur, kenn­ari, hugs­andi maður og tryggur vinur.

Hann þakkar jafn­framt aðdá­endum Koenigs fyrir ára­langan stuðn­ing og segir að leik­ar­inn hafi elskað þá ekki síður en þeir elsk­uðu hann.

„Hvíldu í friði, kæri vinur. Haltu áfram að sigla örugga leið,“ skrifar Takei í lok kveðju sinnar.

Walter Koenig varð eitt af kunn­ustu and­litum Star Trek-heims­ins í hlut­verki Chekov og átti ára­tuga­langan feril í kvik­myndum og sjón­varpi. Andlát hans markar lok kafla í sögu ser­í­unnar sem hefur átt stóran þátt í að móta vís­inda­skáld­skap í dæg­ur­menn­ingu.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Heimur

Breskir grínistar héldu leyni­lega lista yfir kyn­ferð­is­leg rán­dýr

Blaðamaðurinn Julia Raeside segir þekkta menn starfa áfram í skemmtanabransanum þrátt fyrir ásakanir um kynferðisbrot.

Setti bráð­skemmti­legt heims­met

Dauði og eyði­legg­ing eykst á Gaza þrátt fyrir vopna­hlé

Dán­ar­or­sök Sir Patricks Stewart stað­fest

Pólland rann­sakar óþekktan hlut sem féll úr lofti

Tvö alvar­leg umferð­ar­slys á sama veg­ar­kafla á Tenerife