Kona sem tengd er fósturforeldrum palestínsku drengjanna sem Útlendingaeftirlitið hyggst senda á götuna í Grikklandi, segir strákana örmagna.
Sunna Björk, sem kallar sig frænku þeirra Sameers og Jazans, sem eru 12 og 14 ára, segir í samtali við Mannlíf, drengina hafa gríðarlegar áhyggjur af ættingjum sínum á Gaza. „Drengirnir tveir eru örmagna og með stanslausar áhyggjur af ættingum sínum. Sprengjum hefur rignt yfir borgina þeirra, Khan Yunis, stanslaust síðan vopnahlé var rofið á föstudag.“ Segir hún að við bætast áhyggur af því að vera sendir aftur til Grikklands. „Ofan á það bætast áhyggjur af því að þeir eru ekki velkomnir hér lengur og þeir sjá fram á að vera sendir í yfirfulla flóttamannabúðir í Grikklandi. Þar er engin barnaverndarnefnd sem tekur á móti þeim, engin huggandi fósturfjölskylda, ekkert. Ekkert nema tómir gámar, með þunnum dýnum og teppum. Enginn matur, svo þeir þurfa að betla á götum Aþenu.“
Fjölskyldan hefur að undanförnu þrýst á Alþingismenn að beita sér í málinu og bíður svara frá þeim. Þá vonar hún að undirskriftarsöfnun til hjálpar drengjanna muni ganga áfram vel.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir