Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

„Fairytale“ og fjölskylduharmleikurinn

Sonur Kirsty MacColl rifjar upp banaslysið.

Kirsty og strákarnir
Kirsty og strák­arnir Louis opnar sig um hið hræði­lega slys

Útvarps­spilun hins sígilda jóla­lags Fairytale of New York er fyrir marga fyrsti fyr­ir­boði jól­anna, en fyrir Louis Lillywhite, son söng­kon­unnar Kirsty MacColl, fylgir lag­inu sárs­auka­full minn­ing. Hann var aðeins 14 ára þegar móðir hans lést fyr­ir­vara­laust í skelfi­legu slysi á hrað­bát undan ströndum Mexíkó, viku fyrir jól árið 2000.

Kirsty, sem söng lagið ásamt Shane MacGowan úr hljóm­sveit­inni The Pogues, var 41 árs og á hátindi fer­ils síns þegar hún var keyrð niður af hrað­bát meðan hún kom upp úr köfun. Louis og bróðir hans Jamie, 15 ára, voru í vatn­inu með henni þegar bát­ur­inn ók inn á friðað svæði, beint á hóp­inn. Kirsty lést sam­stundis eftir að hafa orðið fyrir skrúf­unni. Jamie slapp með minni­háttar áverka þegar súr­efn­iskút­ur­inn hans var skemmdur.

Krufning leiddi í ljós alvar­lega áverka á höfði, brjósti og fæti. Enn 25 árum síðar er mörgum spurn­ingar enn ósvar­aðar, og fjöl­skyldan telur litlar líkur á að sann­leik­ur­inn verði nokkurn tím­ann upp­lýstur. Í við­tali við Daily Express talar Louis, nú 39 ára, opin­skátt um móður sína og áhrifin sem slysið hefur haft á líf hans.

„Það var traumat­ískt og margt er ennþá í móðu,“ segir hann. „Ég man bara eftir því að hugsa: „Hvar er Jamie?“ Svo koma end­ur­minn­ingar og myndir sem eru mjög skýrar. Þetta var mjög ógeðs­legt.“

Louis seg­ist hafa þurft á sál­fræði­að­stoð að halda mörgum árum síðar til að vinna úr áfall­inu. Á meðan móðir hans elskaði hafið hafði hann sjálfur þróað mikla hræðslu við sjó, báta og köfun, en með hjálp með­ferðar hefur hann hafið að end­ur­heimta traust sitt á haf­inu. „Mamma elskaði sjó­inn og hún hefði ekki viljað að ég yrði hræddur við hann,“ segir hann.

Faðir hans, tón­list­ar­fram­leið­and­inn Steve Lillywhite, rifjar upp dag­inn örlaga­ríka. Hann fékk sím­tal frá kærasta Kirsty, James Knight, sem var með þeim í Mexíkó. Steve kom til Mexíkó á einka­flug­vél og lýsir því að syn­irnir hafi verið í algjöru áfalli, orð­lausir, horf­andi á teikni­myndir.

„Þegar ég fór inn á hót­el­her­bergið sátu strák­arnir og James, sem var aðeins 26 ára og nærri þeirra aldri en mínum, á rúm­inu og horfðu á teikni­myndir, engin tár, bara alveg í sjokki. Það er svo hræði­legt að ímynda sér hvað þeir urðu vitni að þann dag og þeir hafa í raun aldrei talað við mig um það sem þeir sáu.“

Báturinn sem drap Kirsty til­heyrði fjöl­skyldu hins auð­uga mexíkóska kaup­sýslu­manns Guill­ermo González Nova, eig­anda Comercial Mexicana mat­vöru­versl­un­ar­keðj­unnar. Starfs­maður Nova, José Cen Yam, 26 ára, sagð­ist hafa ekið bátnum á litlum hraða. Hann var síðar sak­felldur fyrir mann­dráp af gáleysi og dæmdur í aðeins tveggja ára og tíu mán­aða fang­elsi. Hann slapp þó við fang­els­is­dóm með því að greiða lága sekt upp á aðeins 61 pund, sem leiddi til full­yrð­inga um að hann hefði tekið ábyrgð á atvik­inu í skiptum fyrir greiðslu frá vinnu­veit­endum sínum. Fjöl­skylda MacColl hefur lengi grunað að um hafi verið að ræða yfir­hylm­ingu og vitnað í sjón­ar­votta sem mót­mæltu hver var við stýrið og full­yrtu að bátnum hefði verið ekið mun hraðar en við­ur­kennt var.

Herferð þeirra, „Réttlæti fyrir Kirsty“, frestaði mál­sókn sinni þar sem þeir höfðu tæmt allar mögu­legar áfrýj­un­ar­leiðir innan mexíkóska rétt­ar­kerf­is­ins. „Mér finnst að [Yam] hafi verið sá sem var lát­inn taka skell­inn og að eng­inn hafi verið raun­veru­lega gerður ábyrgur fyrir því sem gerð­ist,“ segir Louis. Og hann er enn reiður og bætir við: „Við eyddum mörgum árum sem fjöl­skylda í að reyna að fá rétt­læti. Ég held að okkur hafi tek­ist að vekja athygli á þessu og ef það bjarg­aði aðeins einum ein­stak­lingi, þá er ég ánægður með það, en það sem við hefðum viljað hefði verið ein­hver ábyrgð. Þetta sner­ist aldrei um pen­inga, þetta sner­ist um að ein­hver tæki ábyrgð. Þeir köll­uðu okkur „pen­inga­gráð­uga“, sem hvatti mig bara til að leggja meira á mig til að fá ein­hvern dreg­inn til ábyrgðar. En við vorum að eiga við rík­asta mann­inn í spilltasta land­inu ...“

Kirsty MacColl var dóttir þjóð­laga­heim­spek­ing­ins Ewan MacColl og átti far­sælan feril með mörgum vin­sælum lögum, auk sam­starfs við hljóm­sveitir á borð við The Smiths og Simple Minds. Lagið Fairytale of New York tryggði henni þó ódauð­legan sess í popp­sög­unni.

Steve hefur nú unnið gefið út lif­andi útgáfu lags­ins og segir að and­rúms­loftið á upp­tök­unni sé fullt af ást og hlýju, fólk hrópi nafn hennar: „Kirsty, Kirsty!“

Louis nálg­ast nú sama aldur og móðir hans var þegar hún lést, og segir að hann haldi minn­ingu hennar á lífi, meðal ann­ars með því að sækja árlegan minn­ing­ar­dag við minn­ing­ar­bekk Kirsty í Soho Square í Lundúnum. „Þetta hjálpar, að heyra að hún hafi skipt máli fyrir fólk,“ segir hann.

Hér má sjá mynd­bandið við jólaslagar­ann Fairytale of New York en þeir sem eru við­kvæmir fyrir jóla­lögum í nóv­em­ber eru varaðir við.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Heimur

Maður stung­inn í Las Palmas

Maður um fertugt hlaut alvarlega skurði og var fluttur á sjúkrahús eftir bráðameðferð á vettvangi.

Dán­ar­or­sök Sir Patricks Stewart stað­fest

Ljósmynd af logum ræsti sjálf­virkt slök­kvikerfi

Nýtt lyf í töflu­formi vekur vonir í bar­átt­unni við briskrabba­mein

Breskir grínistar héldu leyni­lega lista yfir kyn­ferð­is­leg rán­dýr

Dauði og eyði­legg­ing eykst á Gaza þrátt fyrir vopna­hlé