Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Línulegt áskriftarsjónvarp Stöðvar 2 liðið undir lok

Boða „nýjan kafla í íslenskri sjón­varps­sögu“. Spurn­ingar vakna um enska bolt­ann.

Herdís Dröfn Fjeldsted
Herdís Dröfn Fjeld­sted For­stjóri Sýnar boðar „nýjan kafla í íslenskri sjón­varps­sögu“. Mynd: Aðsend

Línulega sjón­varps­stöðin SÝN, áður þekkt sem Stöð 2, verður ekki lengur áskrift­ar­sjón­varp eins og hún hefur verið frá stofnun árið 1986.

Hins vegar mun streym­isveitan SÝN+ verða fyrir áskrif­endur og birta efnið á undan línu­legu SÝN, án aug­lýs­inga.

Þetta kemur fram í til­kynn­ingu frá for­stjóra félags­ins Sýnar, sem rekur sjón­varps­þjón­ust­una SÝN og SÝN+, auk far­síma-og net­þjón­ust­unnar undir sama heiti.

Í til­kynn­ing­unni er því ekki svarað hvort enski bolt­inn, sem félagið SÝN greiddi háar fjár­hæðir til að kom­ast yfir sýn­ing­ar­rétt­inn á, verði í opinni dag­skrá og ef ekki, hvert áskrift­ar­verðið að línu­lega áskrift­arstjón­varpi Sýnar verður. SÝN Sport Ísland býður upp á áskrift að íslenskum íþrótta­við­burðum á 6.990 krónur á mán­uði.

Samruni kynntur

Fyr­ir­tækið Sýn, sem skráð er í kaup­höll­ina, boð­aði sögu­legan sam­runa þegar vöru­merkin Vodafone, fyrir far­síma­þjón­ustu, og Stöð 2, fyrir sjón­varp, voru aflögð.

Ef marka má frétt og aug­lýs­inga­her­ferðir Sýnar um „sam­runa“ vöru­merkja félags­ins frá 12. júní síð­ast­liðnum munu „Voda­fone, Stöð 2, Stöð 2+ og Stöð 2 Sport sam­ein­ast undir merki Sýnar“. Sam­run­inn er þó ásýnd­ar­legur, enda er um sitt hvora þjón­ust­una að ræða.

„SÝN Sport er nýtt heiti á Stöð 2 Sport og mun stöðin áfram bjóða upp á besta sætið í heimi íþrótta - og er enski bolt­inn þar á meðal,“ sagði í til­kynn­ing­unni 12. júní. SÝN Sport virð­ist hins vegar vera tvær sjón­varps­stöðvar, ann­ars vegar með inn­lendum íþróttum og hins vegar erlendum.

Því má fast­lega búast við því að áskrift­ar­sjón­varp verði enn við­haldið, en að það ein­angr­ist við íþrótta­hlut­ann. Ef svo er hafa stjórn­endur Sýnar valið að „böndla“ ekki saman áskrift­ar­þjón­ustu gömlu Stöðvar 2 og íþrótta­stöðv­anna, og byggja þess í stað á lík­ani Símans, sem bauð upp á enska bolt­ann í áskrift sam­hliða streym­is­þjón­ustu Símans, undir heit­inu Sjónvarp Símans Premium, á meðan línu­lega Sjónvarp Símans var í opinni dag­skrá.

„SÝN gegnir lyk­il­hlut­verki í íslensku sam­fé­lagi sem vett­vangur frétta, íþrótta og menn­ing­ar­legrar upp­lif­unar,“ segir Herdís Dröfn Fjeld­sted, for­stjóri Sýnar, í til­kynn­ing­unni.

Þá rifjar hún upp að fréttir Stöðvar 2, sem heitir nú sjón­varps­fréttir Sýnar, hafi verið færðar í opna dag­skrá í fyrra, eftir stutt tíma­bil áskrift­ar­lok­unar. „Á síð­asta ári ákváðum við að bjóða sjón­varps­fréttir Sýnar án end­ur­gjalds til lands­manna. Nú göngum við skref­inu lengra og gerum alla dag­skrá línu­legu sjón­varps­stöðv­ar­innar SÝN aðgengi­lega án end­ur­gjalds, í fyrsta skipti í sögu stöðv­ar­innar. Um leið höldum við áfram að mæta breyttum áhorfsvenjum með þjón­ustu sem býður upp á aukið frelsi, meiri upp­lifun, hámhorf og for­skot á inni­hald.“

Rætt um mikla einföldun vörumerkja

Mannlíf greindi frá því fyrst fjöl­miðla í byrjun jan­úar að til umræðu væri að breyta Stöð 2 í SÝN. Samkvæmt heim­ildum innan úr félag­inu var til umræðu að gera mun víð­tæk­ari breyt­ingar.

Nið­ur­staða stjórn­enda félags­ins Sýnar var að láta ógert að breyta heitum útvarps­stöðv­anna Bylgj­unnar og FM957, en fella niður vöru­merkin Stöð 2 og Vodafone, sem fyrr segir.

Félagið Sýn hefur fallið um 22% í kaup­höll­inni á þessu ári. Gengið hækk­aði lít­il­lega þegar innri sam­run­inn var boð­aður, en féll á ný og hefur rétt úr kútnum í litlum við­skiptum.

UPPFÆRT:

Herdís Dröfn sendi Mannlíf svar við fyr­ir­spurn um hvort SÝN Sport yrði í opinni dag­skrá.

„SÝN Sport verður ekki í opinni dag­skrá en þess má geta að SÝN Sport mun leggja mikið uppúr því að bjóða upp á skemmti­lega og vand­aða umfjöllun, þar á meðal um Enska bolt­ann en þar verða 5 þættir sér­stak­lega til­eink­aðir enska bolt­anum. Þeir verða kynntir nánar síðar,“ segir í svari hennar.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Peningar

Kaup­máttur jókst um 5,8 pró­sent frá upp­hafi kjara­samn­inga­lot­unnar

Atvinnuleysi fór á öðrum ársfjórðungi í fyrsta sinn frá 2010 yfir meðaltal OECD, þótt það sé enn tiltölulega lágt í alþjóðlegum samanburði.
  • Skiptum lokið á þrota­búi Talays

  • Elís seg­ist hafa tapað 100 millj­ónum í við­skiptum við fjár­festa

  • Prett­yboitjokkó stofnar fyr­ir­tæki með fyrrum lands­liðs­manni

  • Lands­liðs­konur í ný störf

  • Danskur hag­fræð­ingur segir krón­una hafa verið mis­heppn­aða til­raun í heila öld