„Einmitt svona sem spillingin virkar á Íslandi“

„Þegar við erum að tala um að íslenskum börnum gangi illa í að skilja það sem þau lesa, þá læð­ist að manni sá grunur að íslenskir krakkar kunni að vera ekki eins vel gefnir og krakkar í öðrum löndum.“
Kári Stef­áns­son, for­stjóri Íslenskrar erfða­grein­ingar, um nið­ur­stöðu PISA- könn­un­ar­innar.

„Hvernig stendur á því að það er ekki gengið á eftir aðdrótt­unum frá­far­andi rík­is­lög­reglu­stjóra, Haraldar Johann­es­sen, um spill­ingu innan lög­regl­unnar og í stað þess gerður við hann starfs­loka­samn­ingur sem flesta óar við vegna þess hróp­lega órétt­lætis sem samn­ing­ur­inn áréttar að við­gang­ist í íslensku sam­fé­lagi? Hvað veit Haraldur um okkar sam­fé­lag sem við vitum ekki en þyrftum að vera upp­lýst um?“
Steinunn Ólína Þor­steins­dóttir leik­kona.

„Einmitt svona sem spill­ingin virkar á Íslandi.“
Eva Hauks­dóttir um starfs­loka­samn­ing Haraldar.

„Ég er ekki bara döpur yfir því að kallað sé eftir árásum á hendur fjöl­miðla­mann­eskju heldur þykir mér miður að þeir áhrifa­valdar sem íslensk ung­menni líta upp til nýti völd sín og áhrif með þessum hætti.“
Erla Hlyns­dóttir um við­brögð íslenskra áhrifa­valda og tón­list­ar­manna við umfjöllun DV um heim­ili ungs tón­list­ar­fólks. Birtu þeir myndir af heim­ili rit­stjóra DV á sam­fé­lags­miðlum og hvöttu fólk til að „kíkja í heim­sókn“. Í fram­haldi mættu aðdá­endur stjarn­anna þangað og létu eggjum rigna yfir húsið.

„Í stað þess að bíða eftir að málið upp­lýs­ist eftir rann­sókn yfir­valda hér og erlendis geys­ast þessir stjórn­mála­menn fram nú og krefj­ast þess jafn­vel að íslenska fisk­veiði­stjórn­ar­kerf­inu verði bylt vegna spill­ing­ar­máls­ins í Namibíu. Þetta er auð­vitað svo fjar­stæðu­kennt að með ólík­indum er að það nái umræðu, en lýð­skrumar­arnir eru nægi­lega margir og háværir til að fjar­stæðan sé rædd.“
Leið­ara­höf­undur í Morg­un­blað­inu.

„Það er mjög góð ástæða fyrir því að breyta þessu galna fisk­veiði­stjórn­un­ar­kerfi sem er nú í gangi. Það er lýð­skrum að kalla það lýð­skrum án þess að rök­styðja það.“
Björn Leví Gunn­ars­son, þing­maður Pírata.

„Hún hefur – ef marka má mál hennar fram að þessu – aðeins áhuga á tvennu: Brenni­víni í búðir. Manna­nöfnum (og ekki síst því að við getum öll tekið upp ætt­ar­nöfn eins og voða fínt fólk). Nú eru þetta hvorttveggja sjálf­sagt hin merk­ustu mál. En mikið væri gaman ef Áslaug Arna gæti hugsað sér að nýta krafta sín í hin ennþá stærri mál.“
Illugi Jök­uls­son rit­höf­undur.