Frú Vigdís Finnbogadóttir, fyrrverandi forseti Íslands, segist ekki hafa dottið í hug að hún yrði næsti forseti þegar Kristján Eldjárn, þáverandi forseti, tilkynnti árið 1980 að hann myndi ekki bjóða sig fram aftur.
Hún ræddi forsetatíð sína í viðtali við Sunnudagsmoggann sem kom út í gær en hún var forseti frá 1980 til 1996. Hún segir að sér hafi verið „ýtt út í ævintýrið“.
Þegar baráttukonan Laufey Vilhjálmsdóttir stakk upp á að Vigdís myndi bjóða sig fram í aðsendri grein í blaðinu Vísi fór boltinn að rúlla. Vigdís segist hafa skammast sín þegar samstarfsmaður hennar í Leikfélagi Reykjavíkur spurði hana hvort hún ætlaði að verða forseti.
Vigdís lýsir því að hún hafi verið mjög efins og ætlað að draga framboð sitt til baka um leið og hún hafði tilkynnt um það. „Mér var þá sagt að það væri of seint, það væri búið að
láta blöðin vita og þau myndu mæta klukkan hálfníu,“ segir Vigdís í viðtalinu.
Vigdís, sem verður 90 ára á miðvikudaginn, var fjórði forseti Íslands og gegndi hún embættinu frá 1980 til 1996. Hún var fyrsti kvenkyns þjóðhöfðinginn sem var þjóðkjörinn.
Forseti Íslands
Staða sérfræðings á skrifstofu forseta Íslands lögð niður
Halla Tómasdóttir nær launum Donalds Trump
Halla, Þorgerður og Alma fara til Svíþjóðar
Halla forseti ætlaði að „merkja“ páfann
Óvíst með frí Höllu forseta á árinu
Athugasemdir